पूर्व पीएम मनमोहन सिंह के निगम बोध घाट पs होई अंतिम संस्कार, जानीं टाइमिंग

आजु दिल्ली के निगम बोध घाट पs पूर्व पीएम डॉ. मनमोहन सिंह के अंतिम संस्कार कइल जाई. डॉ. मनमोहन सिंह के आखिरी सफर कांग्रेस मुख्यालय से निगम बोध घाट खातिर सबेरे साढ़े नौ बजे रवाना होखी. एकरा बाद अंतिम संस्कार सबेरे 11:45 बजे होई। एकरा से पहिले पार्टी मुख्यालय में सबेरे 8:30 बजे से लोग अंतिम श्रद्धांजलि दिहे।

अंतिम संस्कार पारिवारिक रीति रिवाज के मुताबिक कईल जाई

कांग्रेस पार्टी के बहरी से कुछ वीडियो सामने आईल बा। जहां दिवंगत पूर्व प्रधानमंत्री डॉ. मनमोहन सिंह के पार्थिव शरीर सबेरे 8:30 बजे पार्टी कार्यकर्ता के अंतिम दर्शन खातीर राखल जाई। एकरा बाद पारिवारिक रीति रिवाज के मुताबिक अंतिम संस्कार कईल जाई।

राजकीय सम्मान के साथे आखिरी विदाई

पूर्व प्रधानमंत्री डॉ. मनमोहन सिंह के पार्थिव शरीर के आज राज्य सम्मान के संगे अंतिम विदाई दिहल जाई। सरकारी सूत्र के हवाला से पीटीआई के ओर से जानकारी दिहल गईल बा कि केंद्र सरकार देश के राजधानी नई दिल्ली में डॉ. मनमोहन सिंह के स्मारक बनाई।

इहो पढ़ीं: सबेरे-सबेरे: धीरे टहलला के सेहत पs पड़ सकेला भारी, Walking Speed के रखी ख्याल