Amazon के नाव पs कस्टमर्स के साथ हो रहल बा फ्रॉड, बिना ऑर्डर के लोगन के घरे पs पहुंच रहल बा पार्सल
ऑनलाइन शॉपिंग प्लेटफॉर्म अमेजन के नाम पs एगो नाया प्रकार के धोखाधड़ी होखता। डिलीवरी के लोग ग्राहक के घरे पहुंच रहल बाड़े, जवना के डिलीवरी ग्राहक ना मंगले रहले। जब ई डिलीवरी लड़िका लोग के घरे पहुंचेला तs कहेला कि केहू दोसर रउरा खातिर कुछ मंगा दिहले बा बाकिर रउरा पइसा देबे के पड़ी काहे कि ई कैश ऑन डिलीवरी ऑर्डर हs. अयीसना में जदी घर में मौजूद लोग के जानकारी नईखे तs उs लोग इs सोच के भुगतान कs देवेले कि उनुका खातीर कवनो परिचित के ऑर्डर जरूर देले होई। बाकिर जब इs पार्सल खुलेला तs ओकरा भीतर कुछ बहुत सस्ता चीज रहेला, जबकि ग्राहक एकरा खातीर जादे पईसा देले रहले।
सेक्टर 82, नोएडा में स्थित उद्योग विहार सोसाइटी के मामला
ताजा मामला नोएडा के सेक्टर 82 में स्थित उद्योग विहार (एलआईजी) सोसाइटी के बा। 30 सितंबर 2024 के दुपहरिया करीब 3.10 बजे इहाँ एगो डिलीवरी ब्वॉय पहुंचल। इs व्यक्ति फ्लैट में मौजूद महिला के बतवले कि आपके पार्सल अमेजन से आईल बा। फ्लैट में रहे वाला के नाम अवुरी पता एs पार्सल पs सही लिखल रहे। बाकिर पार्सल पs लिखल विवरण में भेजेवाला के नाम के अलावे अवुरी कवनो जानकारी ना रहे। डिलीवरी वाला बतवले कि ई पार्सल कैश ऑन डिलीवरी बा, मतलब कि एकर दाम देबे के पड़ी.
पीड़िता के परिवार जब अमेजन के कस्टमर केयर से संपर्क कईलस तs उs लोग भी पार्सल भेजे वाला के डिटेल ना मिल पावल अवुरी शिकायत दर्ज कईला के बाद उs लोग कहलस कि 2 दिन में एs मामला के अपडेट मिल जाई।
महज 24 घंटा बाद डिलीवरी वाला फेर से नोएडा के ओही घर में एगो फ्रॉड पार्सल लेके पहुंचल
एह मामिला के 24 घंटा भी ना बीतल रहे, 1 अक्टूबर के एक बेर फेरु से डिलीवरी वाला ओही फ्लैट में शाम 5.15 बजे पहुंचल आ कहलस कि राउर पार्सल आ गईल बा, बाकिर इs कैश ऑन डिलीवरी हs। ई उहे डिलीवरी वाला रहे, जवन एक दिन पहिले भी एही तरह से ग्राहक से भुगतान लेले रहे। बाकिर एक अक्टूबर के जब फ्लैट में मौजूद परिवार के मुखिया घर में मौजूद रहले तs डिलीवरी बॉय से पूछताछ शुरू कs देले।
अइसना में डिलीवरी वाला घबरा गइल आ कहलस कि अगर ई राउर पार्सल ना ह तs हम रद्द कs देब आ अब से रउरा पार्सल ना मिली. ए दौरान डिलीवरी वाला भी केहु से फोन पs बात कईलस अवुरी कहलस कि ग्राहक के जानकारी बा, भविष्य में उनुका कवनो समस्या के सामना ना करे के चाही।
जब ग्राहक के डिलीवरी बॉय के बात पs शक भईल तs उs डिलीवरी बॉय के बाइक के फोटो खींच लेले। बाकिर ग्राहक इs देख के स्तब्ध रह गईले कि डिलीवरी बॉय के बाइक के नंबर प्लेट आधा टूट गईल बा, जवना के चलते ओकर पता लगावल असंभव हो गईल।