तेरे नाम' स्टाइल होखे आ ‘सूर्यवंशी’ के लुक, सलमान खान के एह हेयरस्टाइल पs फिदा भइल रहले फैंस
बॉलीवुड के भाईजान यानी सलमान खान तीन दशक से अधिका समय से इंडस्ट्री में बाड़े। बरिसन से सलमान ना खाली कई गो फिलिमन में काम कइले बाड़न बलुक अभिनेता आजु एगो ब्रांड भी बन गइल बाड़न। आपन फिलिमन के अलावे सलमान खान आपन अंदाज के चलते प्रशंसकन के बीच खबर में भी बाड़न। प्रशंसकन के बीच सलमान खान के अंदाज अलगे बा। बहुत सुंदर अवुरी स्टाइलिश देखाई देवे वाला सलमान खान के फैशन सेंस के बहुत लोग नकल करेले। उनुकर तेरे नाम हेयर स्टाइल होखे भा उनुकर फिल्म प्यार किया तो डरना क्या के कलट-फाटल जींस स्टाइल भा उनुकर दबंग स्टाइल, सलमान के हर स्टाइल प्रशंसकन के बीच लोकप्रिय बा। आज सलमान खान आपन 58वां जन्मदिन मना रहल बाड़े। एह खास मउका पs हमनी के भाईजान के कुछ मशहूर हेयर स्टाइल के बारे में बतावे जा रहल बानी जा, जवना पs लोग पागल हो गईले।
‘सूर्यवंशी’
सलमान खान 1992 के फिल्म 'सूर्यवंशी' में लमहर बाल के संगे देखल गईल रहले। उनकर ई लुक काफी वायरल हो गइल।
'तेरे नाम’
साल 2003 के फिल्म ‘तेरे नाम’ के सलमान खान के हेयर स्टाइल आइकॉनिक साबित भइल। उनकर ई हेयर स्टाइल नवहियन में अतना लोकप्रिय हो गइल कि ओह दौरान सभे एह लुक में लउकत रहे।
'मुझसे शादी करोगी'
फिल्म ‘मुझसे शादी करोगी’ में सलमान खान के एगो अलगे हेयर स्टाइल में भी देखल गइल। एह फिलिम में फ्रिंग लुक उनुका पs बहुते सूट कइलस।
'पार्टनर'
साल 2007 में रिलीज भइल फिल्म ‘पार्टनर’ में सल्लू भाई के स्पाइक में देखल गइल रहे, उनकर ई हेयर स्टाइल भी ओह घरी युवा लोग के बीच काफी मशहूर रहे।
'युवराज'
फिल्म युवराज खातिर सलमान ना खाली बाल में कलर कइले बलुक ओकरा के बढ़वले भी। सलमान के इs हेयर स्टाइल भी काफी मशहूर रहे।
'सुल्तान'
सुल्तान में सलमान के ऑलमोस्ट बाल्ड लुक में देखल गईल। युवा लोग के भी भाईजान के इs लुक बहुत पसंद आईल।
