छपरा शहर के विकास खातिर तइयार कइल जा रहल बा GIS आधारित मास्टर प्लान
छपरा योजना क्षेत्र प्राधिकरण के बइठक जिला मजिस्ट्रेट अमन समीर के अध्यक्षता में कलेक्ट्रेट सभागार में बोलावल गइल रहे, जवना में अटल मिशन फॉर रीजूवेनेशन एंड अर्बन ट्रांसपोर्टेशन (अमरुत) के तहत केंद्र सरकार के ओर से परिकल्पना कइल गइल बा। एकरा तहत जमीन के पैटर्न के आधार पs चुनल शहरी क्षेत्र के भविष्य के विकास खातिर एगो मास्टर प्लान तइयार करे के बा।
एह प्राधिकरण के माध्यम से छपरा खाती जीआईएस पs आधारित मास्टर प्लान 2040 तइयार करे के बा। एकरा खातिर विशेषज्ञ कंसलटेंट के रूप में एनएफ इंफ्राटेक के नियुक्त कइल गइल बा। छपरा नगर निगम, रिविलगंज नगर पंचायत आ 65 गाँव के छपरा योजना क्षेत्र प्राधिकरण में शामिल कइल गइल बा। एकर प्रस्तावित क्षेत्रफल लगभग 102 वर्ग किलोमीटर बा।
जिला मजिस्ट्रेट बतवले कि छपरा शहर के दुगो मुख्य समस्या यातायात अउरी पानी के कटाई के समस्या बा। एकरा के सुधारे खातिर कार्रवाई कइल जाता। उऽ सलाहकार एजेंसी से कहले कि, वर्तमान में प्रक्रिया आ प्रस्तावित योजना के ध्यान में राखत भविष्य खातिर बेहतर ट्रांसपोर्ट आ ड्रेनेज सिस्टम प्रणाली के अवधारणा के योजना में शामिल करे के कहल गइल।
उ छपरा शहर से जुड़ल विभिन्न क्षेत्र के विकास खातिर संभावित क्षेत्र के संबंध में महत्वपूर्ण सुझाव देले – आवासीय, वाणिज्यिक, औद्योगिक, संस्थागत क्षेत्र, मनोरंजन गतिविधि। एह सुझावन के आधार पs भविष्य में योजना के व्यावहारिक रूप से लागू करे पs जोर दिहल गइल।
बइठक में वन प्रमंडल पदाधिकारी, उपविकास आयुक्त, नगर आयुक्त, बिहार राज्य के मुख्य टाउन प्लानर हिमांशु कुमार सिंह, कंसल्टेंट एजेंसी के प्रतिनिधि सहित नगर निगम के अउरी पदाधिकारी आ अलग-अलग विभागन के अभियंता उपस्थित रहले।