Google बंद करे जा रहल बा आपन ई सर्विस, 4 साल पुरान बा ई सेवा, जानीं पूरा डिटेल

Google आपन एगो सर्विस के हमेशा खातिर बंद करे जा रहल बा। हम Google One VPN सेवा के बात करऽ तानी जवना के 20 जून 2024 के बंद कर दिहल जाई। इहाँ हम रउआ के बता दी कि एह फीचर के काहे बंद कइल जा रहल बा। एकरा अलावा हम रउआ के बताइब कि Google One से VPN के कइसे हटाइब।

Google अपना एगो आउर सेवा के बंद करे जा रहल बा, कवना के डेट के घोषणा कऽ दिहल गइल बा। हम Google One VPN सेवा के बात कर रहल बानी। बता दी कि Google One VPN सेवा 20 जून 2024 से काम कइल बंद कर दिही। हालांकि एह फीचर के 2020 में अक्टूबर में लॉन्च कइल गइल रहे।

Google अपना सपोर्ट पेज पs बतवलस कि 20 जून, 2024 से, Google One द्वारा VPN बंद कर दिहल जाई। कंपनी इहो बतवलस कि उपयोगकर्ता अपना डिवाइस से Google One VPN के कइसे हटा सकत बाड़े। आई एकरा बारे में जानल जाव।

काहे हटावल गइल फीचर

Google बतवलस कि Pixel 8 आ नया डिवाइस अपना सिस्टम सेटिंग्स के तहत एगो इन-बिल्ड VPN सर्विस देत रहे। Google One द्वारा VPN के Google One ऐप से हटा देहला के बाद Pixel 7 यूजर अपना सिस्टम सॉफ़्टवेयर के अपडेट कइला के बादो VPN फक्शनालिटी के उपयोग जारी राख सकिहें। कंपनी 3 जून, 2024 के Pixel 7, 7 Pro, 7a आ फोल्ड खातिर एगो इन बिल्ड वीपीएन के सिस्टम अपडेट जारी कइले बा।

अपना डिवाइस से Google One VPN कइले हटाई ?

सबसे पहिले फॉइंडर के खोली। एकरा बाद साइडबार में एप्लिकेशन पs क्लिक करी। अब 'वीपीएन बाय गूगल वन' के ट्रैश में ड्रैग करीं। एकरा बाद 'वीपीएन बाय गूगल वन' पs राइट-क्लिक करीं। अब ब्रिंग टू ट्रैश के सलेक्ट करीं। जदि रउआ से यूजरनेम आ पासवर्ड मांगल जाता, तऽ अपना मैक पs एडमिन अकाउंट के क्रेडेंशियल दर्ज करीं।