Gorakhpur News: गोरखपुर में राप्ती नदी पs बनी एगो अउरी पुल, पहिला किस्‍त जारी, कुल लागत जानके हो जाई हैरान

राजघाट-नौसढ़ के बीच राप्ती नदी पs दुगो नाया दु लेन पुल बनावे खातीर राज्य मंत्रिमंडल से मंजूरी मिलला के बाद बुधवार के सरकार के ओर से प्रशासनिक अवुरी वित्तीय मंजूरी भी जारी कs दिहल गईल। एकरा अलावे पहिला किस्त के रूप में 77.67 करोड़ रुपया भी जारी भईल बा। निष्पादक एजेंसी के मुताबिक निर्माण के काम शुरू करे खाती जल्दिए निविदा आदि के प्रक्रिया शुरू क दिहल जाई।

राप्ती नदी पs राजघाट के लगे एकतरफा (अपस्ट्रीम) पुल बनावे में 103.93 करोड़ रुपिया के लागत आई, जवना में से 36.37 करोड़ रुपिया के मंजूरी दिहल गईल बा। एही तरे दूसरा ओर (डाउन स्ट्रीम) के पुल के निर्माण में 117.99 करोड़ रुपिया के लागत आई। एकरा खातिर पहिला किस्त के रूप में 41.29 करोड़ रुपिया जारी कईल गईल बा। दुनो ओर से पुल बनावे में आवे वाला भवन के मुआवजा खातीर 67.65 लाख रुपिया के प्रावधान कईल गईल बा।

एही तरे अधिग्रहण होखेवाला जमीन खातीर 86.32 करोड़ रुपया के प्रावधान कईल गईल बा। पैडलेगंज से नौसढ़ ले के छह लेन सड़क के निर्माण लगभग पूरा हो चुकल बा। टीपी नगर से इंदिरा नगर के पास ले छह लेन ओवरब्रिज के निर्माण कार्य चल रहल बा।

अयीसना में राप्ती पs पुल के उs हिस्सा ही रह गईल, जहां बाटल नेक के स्थिति पैदा होखत रहे। माने कि दुनो ओर से सड़क के छह लेन होखला के चलते पुल के लगे चौड़ाई कम होखत रहे। एहसे जाम के समस्या बढ़ जाता। बाकिर अब दू-दू लेन के दू गो नया पुल बनावे से पुल के कुल चौड़ाई आठ लेन हो जाई। पी 89आवे खातिर दू गो पुल आ जाए खातिर दू गो पुल जवना से जाम के समस्या से बहुते राहत मिले के उमेद बा।

पुल निगम के परियोजना प्रबंधक एके सिंह कहले कि पुल के निर्माण खातीर सरकार से प्रशासनिक अवुरी वित्तीय मंजूरी भी मिल गईल बा। अब निर्माण सुरू करे खातिर निविदा आदि के प्रक्रिया सुरू कईल जा सकता। डाउन स्ट्रीम के ऊपर से हाई टेंशन के तार गुजरत बा, पहिले ओकरा के बिजली निगम के हटावे के पड़ी।