Gorakhpur: एह वजह से स्पाइसजेट गोरखपुर में बंद कइलस हवाई सेवा, कर्मचारियन के दे दिहलस नोटिस
स्पाइसजेट गोरखपुर में आपन हवाई सेवा दू महीना से बंद कs दिहले बा। एक फरवरी से 30 मार्च 2024 ले मुंबई अवुरी दिल्ली के बीच कवनो उड़ान ना होई। बुकिंग बंद करे के संगे एयरलाइन कर्मचारी के अयोध्या शिफ्ट करे के तैयारी कईले बिया।
अप्रैल से दिल्ली आ मुंबई के उड़ान फेर से शुरू होखे के संभावना बा। स्पाइस जेट के उड़ान बंद होखला के चलते अब सिर्फ इंडिगो अवुरी एलायंस एयर के विमान उड़ान भरी, गोरखपुर से दिल्ली खातीर रोज चार, मुंबई खातीर दुगो अवुरी कोलकाता, हैदराबाद अवुरी लखनऊ खातीर एक-एक उड़ान बा। एयरलाइन कंपनी स्पाइस जेट के एगो विमान मुंबई आ दोसरका दिल्ली खातिर उड़ान भरत बा।
विमान अयोध्या में शिफ्ट हो गईल
अयोध्या से देश के अलग-अलग राज्य में हवाई सेवा शुरू होखला के बाद स्पाइसजेट एक फरवरी से आपन दुनो विमान के ओहिजा शिफ्ट करे के फैसला कईले बिया। अब दुनो विमान अयोध्या से मुंबई अवुरी दिल्ली खातीर गोरखपुर के समान कार्यक्रम में उड़ान भरी।
तैनात कर्मचारी अयोध्या जइहें
गोरखपुर हवाई अड्डा पs तैनात कर्मचारी लोग के भी अयोध्या जाए के कहल गइल बा। हालांकि कंपनी गोरखपुर हवाई अड्डा पs स्थित आपन कार्यालय बंद नईखे कईले। चरचा हो रहल बा कि 30 मार्च से मुंबई आ दिल्ली के उड़ान फेर से शुरू हो जाई। हवाई अड्डा के अधिकारी ए बारे में कुछ कहे से परहेज करतारे।
