Gorakhpur News: गोरखपुर में रामगढ़ताल रिंग रोड के निर्माण जल्दी होई शुरू, जीडीए जलदिए तय करी मुआवजा
सीएम योगी के ड्रीम प्रोजेक्ट रामगढ़तल के आसपास ताल रिंग रोड के निर्माण में जवन बाधा आइल रहे ओकरा के जल्दिए दूर कइल जाई। जीडीए 10 एकड़ जमीन खातिर किसानन से समझौता कइले बा आ ओह लोग के सर्कल रेट के दुगुना मुआवजा देबे के प्रस्ताव रखले बा। इ प्रस्ताव प्रशासन के भेज दिहल गइल बा।
रामगढ़ ताल के आसपास ताल रिंग रोड के निर्माण में लागल बाधा जल्दिए दूर हो जाई। गोरखपुर विकास प्राधिकरण (जीडीए) किसानन से 10 एकड़ जमीन खातिर सहमति बनवले बा। एह लोग के सर्कल रेट से दुगुना मुआवजा देबे के प्रस्ताव राखल गइल बा।
इ प्रस्ताव प्रशासन के भेज दिहल गइल बा। एडीएम के अध्यक्षता वाली समिति एकरा पs फैसला लेले बिया। अब डीएम आ आयुक्त के भेज दिहल जाई। अगिला कुछ दिन में मुआवजा दर के मंजूरी मिल जाई, ओकरा बाद रजिस्ट्री शुरू हो जाई।
रामगढ़तल के किनारे सहारा एस्टेट से कुडाघाट तक करीब चार किलोमीटर तक दु लेन के सड़क बनावल जाता। एकर नाम ताल रिंग रोड राखल गइल बा। जब कुछ जमीन हासिल करे के जरूरत पड़ल तऽ लोग विरोध करे लगले। विरोध के चलते काम बंद करे के पड़ल।
ओकरा बाद जीडीए किसानन से बात कइलस आ मुआवजा के लेके एकर समाधान खोजलस। जीडीए के करीब 10 एकड़ जमीन खरीदे के बा। डीएम आ आयुक्त से मंजूरी मिलला का बाद जमीन खरीदे के राह साफ हो जाई.
