वीजा : भारत में दू गो नया वीजा कैटेगरी शुरू भइल, अंतरराष्ट्रीय छात्रन के मिली मदद
Special Categories Visas: भारत देस के शैक्षणिक संस्थानन में उच्च शिक्षा प्राप्त करे के इच्छुक अंतरराष्ट्रीय छात्रन खातिर दुगो विशेष श्रेणी के वीजा सुरू कइले बा। अधिकारी बतवलें कि गृह मंत्रालय 'ई-स्टूडेंट वीजा' आ 'ई-स्टूडेंट-एक्स' वीजा के सुरुआत कइले बा आ सब आवेदकन के सरकार के ओर से सुरू कइल गइल 'स्टडी इन इंडिया' (SII) पोर्टल के उपयोग करे के होई।
ऊ बतवलें कि ई-छात्र वीजा सुविधा के लाभ एसआईआई पोर्टल पs पंजीकृत पात्र बिदेसी छात्र उठा सकत बा लो, जबकि ई-छात्र-एक्स वीजा ई-छात्र वीजा रखे वालन के आश्रितन के दिहल जाला।
एसआईआई पोर्टल ओह अंतरराष्ट्रीय छात्रन के प्रवेश प्रक्रिया के सुविधाजनक बनावेला जे भारत में दीर्घकालिक भा अल्पकालिक पाठ्यक्रम कइल चाहत बा लो।
छात्रन के वीजा खातिर अलग से https://indianvisaonline.gov.in/ पोर्टल पs आवेदन करे के होई, बाकिर ओह लोगन कद आवेदन के प्रामाणिकता के जांच एसआईआई आईडी से कइल जाई।
अधिकारी लोग कहल कि एहिसे छात्रन खातिर एसआईआई वेबसाइट के माध्यम से भारतीय उच्च शिक्षण संस्थानन में आवेदन कइल अनिवार्य बा।
छात्र एसआईआई के कवनो साझेदार संस्थान से प्रवेश पत्र प्राप्त करे खातिर वीजा ला आवेदन कs सकत बा लो।
अधिकारी लोग बतावल कि ई-छात्र वीजा अइसन बिदेसी नागरिकन के दिहल जाला, जे भारत में अध्ययन खातिर प्रवेश प्राप्त करेला लो आ जे भारत में वैधानिक आ नियामक निकाय के ओर से मान्यता प्राप्त शैक्षणिक संस्थानन में नियमित, पूर्णकालिक, स्नातक, स्नातकोत्तर, पीएचडी आ अइसन आउर औपचारिक कार्यक्रमन में अध्ययन कइल चाहत बा लो।
छात्र वीजा पांच साल तक खातिर जारी कइल जाला, जवन कोर्स के अवधि पs निर्भर करेला। भारत में एकरा के बढ़ावलो जा सकत बा।
अधिकारी लोग बतावल कि एकरा अलावे, जेकरा लगे वैध ई-छात्र वीजा बा, ऊ कवनो वांछित आव्रजन जांच चौकी से भारत में प्रवेश कs सकत बा लो।
एसआईआई शिक्षा मंत्रालय के एगो प्रमुख परियोजना बा, जे अपना 600 से जादे साझेदार संस्थानन के माध्यम से उच्च शिक्षा प्राप्त करे के इच्छुक अंतरराष्ट्रीय छात्रन के मेजबानी करेला लो, जवन इंजीनियरिंग आ प्रौद्योगिकी, प्रबंधन, कृषि, विज्ञान, कला आ मानविकी, भाषा अध्ययन, वाणिज्य, कानून, फार्मेसी, नर्सिंग के कवर करे वाला पैरामेडिकल विज्ञान आ बौद्ध अध्ययन, योग आदि जइसन चुनिंदा पाठ्यक्रमन में 8000 से जादे विविध पाठ्यक्रम प्रदान करेला।
एकरा अलावे, ऊ विभिन्न स्तरन पs उपलब्ध बा, जइसे स्नातक (स्नातक), स्नातकोत्तर (स्नातकोत्तर), डॉक्टरेट स्तर (पीएचडी) आ प्रमाणन-आधारित पाठ्यक्रम।
विकल्पन के विविधता (पाठ्यक्रमन में) के उपलब्धता के कारण, छात्रन के अपना रुचि के अनुसार पाठ्यक्रम चुने आ प्रमुख भारतीय संस्थानन में अध्ययन करे के सुविधा मिलेला।
अधिकारी लोग बतावल कि एकरा अलावे, एसआईआई के साथ जुड़े के प्रक्रिया अपेक्षाकृत आसान बा आ एकरा के ऑनलाइन आवेदन जमा करे, छात्रन के पसंद के कार्यक्रमन में प्रवेश लेवे आ प्रवेश खातिर आवेदनन के आगे के प्रक्रिया के माध्यम से कइल जा सकत बा।
छात्र 'अभी पंजीकरण करें' टैब पs क्लिक कs के आवेदन करे खातिर पहिला चरण, अर्थात पंजीकरण, पूरा कs के तुरंत सुरुआत कइल जा सकत बा।
छात्रन के नाम, देस, जन्मतिथि, मोबाइल नंबर आ ईमेल आईडी जइसन सरल जानकारी भरे के होई।
भारत में आपन उच्च शिक्षा पूरी करे आ भारत में अध्ययन खारिज आवेदन करे के इच्छुक हर छात्र के लगे आपन विशिष्ट छात्र एसआईआई आईडी होखे के चाहीं, काहेकि ई आईडी अपना डैशबोर्ड तक पहुंचे, कॉलेज आ पाठ्यक्रम आवेदनन के प्रगति, वीजा/ई-वीजा आ भारत में उच्च शिक्षा से संबंधित आउर प्रक्रियन पs नजर रखे में मदद करी।
अधिकारी लोग कहल कि एसआईआई आईडी के बिना छात्रन के भारत में पढ़े भा आवे के कवनो संभावना नइखे।
Read Also: लखनऊ से गायब भइल पत्रकार के पत्नी 300 किमी दूर से बरामद, मानसिक हालत ठीक नइखे