हरियाणा में नया सरकार बनावे ले लेके हलचल तेज, दिल्ली पहुंचले नायब सैनी
हरियाणा में पूरा बहुमत से लवटल भारतीय जनता पार्टी सरकार बनावे के तइयारी तेज कऽ दिहले बिया। एही क्रम में आज मुख्यमंत्री नायब सिंह सैनी पीएम मोदी आ भाजपा नेतृत्व से भेंट करे दिल्ली चहुँप गइल बाड़न। नायब सैनी अपना मंत्रिमंडल के अंतिम रूप देवे खातिर अपना वरिष्ठ नेतृत्व से सलाह ले सकऽतारे।
हरियाणा में सत्ताधारी दल भाजपा के लगातार जीत हासिल कइला के एक दिन बाद मुख्यमंत्री नायब सिंह सैनी बुध के दिने भाजपा के वरिष्ठ नेतृत्व से भेंट करे खातिर दिल्ली रवाना हो गइलन। ए दौरान नायब सैनी प्रधानमंत्री नरेंद्र मोदी से भी मुलाकात करीहें।
भाजपा नेतृत्व से परामर्श करीहें
सूत्र बतवले कि सैनी अपना मंत्रिमंडल के अंतिम रूप देवे खातिर अपना वरिष्ठ नेतृत्व से सलाह ले सकऽतारे। सत्ता विरोधी भाजपा हरियाणा में लगातार जीत के साथे सत्ता बरकरार रखलस आ विधानसभा चुनाव में वापसी करे के कांग्रेस के कोशिश के रोक दिहलस। मंगर के दिने विधानसभा चुनाव के नतीजा घोषित कऽ दिहल गइल।