गूगल पऽ सर्च करत रहले डॉक्टर के नंबर, खाता से उड़ा देले 30 हजार
साइबर अपराधी अब नया रणनीति अपना के लोग के बैंक खाता के निशाना बनावत बाड़े। एह क्रम में एगो आदमी के गूगल पs डाक्टर के नंबर सर्च कइल महँग पड़ गइल आ ओकरा खाता से 30 हजार रुपिया के नुकसान भइल। एतने ना, एगो दोसर तरीका इहो बा कि कबो गैस कनेक्शन काटला के मैसेज भेज के तऽ कबो बिजली के बिल चुकावे के नाम प धोखाधड़ी होखता।
कंकड़बाग निवासी एगो युवक गूगल प एगो निजी अस्पताल के डॉक्टर के नंबर खोजत रहे। उहाँ एगो मोबाइल नंबर मिलल। नंबर डायल कइला के बाद फोन एक रिंग के बाद डिस्कनेक्ट हो गइल। कुछ देर बाद दूसरा नंबर से पीड़ित के लगे फोन आइल।
उऽ लोग इनका के अपना बातचीत में अझुरा के एगो ऐप डाउनलोड करे के कहले। ऐप डाउनलोड कइला के बाद पांच रुपया देवे के कहलस। कुछ समय बाद पीड़िता के मोबाइल प 30 हजार रुपया के दोसरा खाता में ट्रांसफर के संबंध में मैसेज आइल। एकरा बाद उनका बुझाइल कि ऊ धोखाधड़ी के शिकार हो गइल बाड़े।
गैस कनेक्शन काटला के संदेश भेज के खाता से पइसा निकाल रहल बाड़े।
बिजली के बिल चुकावे के नाम प खाता से पईसा चोरी करेवाला साइबर गुंडा अब गैस कनेक्शन काटे के नाम पs लोग के बैंक खाता से पइसा निकालतारे। अइसन धोखा देके बुद्ध कालोनी के निवासी दु लोग के खाता से एक लाख ८१ हजार रुपया के ठगी भइल।
एकरा अलावे साइबर गुंडा क्रेडिट कार्ड अपडेट आ बिजली बिल भुगतान के नाम पs ऐप डाउनलोड कऽ 11 लोग के खाता से 8 लाख रुपया निकाल लेले बाड़े। बुद्ध कालोनी के निवासी एगो युवक के मोबाइल फोन पs अनजान नंबर से मैसेज आइल।
कुछ समय बाद उनका मोबाइल पs 51 हजार रुपया निकाले के मैसेज आइल। तब ओकरा बुझाइल कि उऽ धोखाधड़ी के शिकार हो गइल बाड़े। बोरिंग रोड निवासी लइकी के संगे भी अइसने भइल। ए ऐप डाउनलोड कऽ के उनका से एक लाख 30 हजार रुपया के ठगी भइल।