हिट एंड रन के नया कानून में होई संशोधन? हड़ताली ट्रांसपोर्टर्स के सरकार मनवलस

हिट एंड रन कानून से जुड़ल विरोध प्रदर्शन आजु पूरा तरह से खतम होखे के उमेद बा। नया कानून के लेके सरकार अवुरी परिवहनकर्ता के बीच समझौता भईल बा। परिवहन संगठन देश भर के ड्राइवरन से हड़ताल के बंद करे के कहले बा। दरअसल अखिल भारतीय परिवहन कांग्रेस (एआईएमटीसी) के गृह सचिव के संगे बैठक भईल रहे, जवना के बाद सरकार संगठन के भरोसा देले रहे कि फिलहाल ए कानून के लागू ना होई अवुरी जब भी एकरा के लागू होई तs संगठन के संगे चर्चा होई। गृह सचिव अजय भल्ला परिवहनकर्ता लोग के भरोसा दिहलन कि सरकार चालक आ परिवहनकर्ता के सगरी आशंका के समाधान करी जवना के बाद अखिल भारतीय मोटर परिवहन कांग्रेस चालकन से हड़ताल खतम कs के काम पs लवटे के गोहार लगवलस।

पेट्रोल आ डीजल के आपूर्ति पs असर, दूध आ सब्जी के दाम बढ़ल

पछिला दु दिन से ट्रांसपोर्टर के जारी हड़ताल के चलते पेट्रोल-डीजल के आपूर्ति पs काफी असर पड़ल जवना के चलते दूध अवुरी सब्जी के दाम तक बढ़ गईल। एह हड़ताल के बीच चंडीगढ़ प्रशासन एगो बड़हन फैसला लिहलस। जब तक स्थिति सामान्य ना हो जाई तब तक चंडीगढ़ के दुपहिया गाड़ी के दु लीटर तेल अवुरी चार पहिया गाड़ी के पांच लीटर तेल मिली। ई आदेश उपायुक्त द्वारा जारी कइल गइल बा।

ट्रांसपोर्टर लोग हड़ताल पs काहें बा?

* हिट एंड रन के नया कानूनी प्रावधान के खिलाफ

*10 साल के जेल, 7 साल के जुर्माना के विरोध

*दुर्घटना के स्थिति में पुलिस के सूचना दिहल जरूरी होई।

*दुर्घटना के जानकारी ना देवे वाला चालक के खिलाफ केस दर्ज करावल जाई।

*ड्राइवरन के डर बा, अगर ऊ लोग घायल लोग के मदद करी तs ऊ लोग भीड़ के गुस्सा के शिकार हो जाई।

*संशोधन से पहिले जिम्मेदार लोग से सुझाव ना लिहल गईल।

*पहिले हिट एंड रन केस में 2 साल के जेल के प्रावधान रहे।

सरकार के रुख-

हिट एंड रन कानून अबे ले लागू नईखे भईल

10 साल के जेल अवुरी जुर्माना के प्रावधान लागू ना होई

संगठन ट्रक चालकन से हड़ताल बंद करे के कहलस

आयोजन समिति के अध्यक्ष बल मलकीत सिंह कहले, हड़ताल खतम करे के अपील कइल गइल बा। सरकार हमनी के बात सुनले बिया अवुरी गृह सचिव कहले बाड़े कि गलतफहमी साफ हो गईल बा। सिंह कहले कि, सरकार कहलस कि 10 साल के जेल अवुरी जुर्माना के कानून अभी तक लागू नईखे। हमनी के एकरा पs आगे चर्चा करब जा। हम रउरा सभे के पूरा भरोसा देत बानी कि एह कानूनन के आगे लागू ना कइल जाई। रउरा लोग के जवन भी चिंता बा, हमनी के सरकार के सोझा ले जाइब जा। अगर ई कानून लागू हो गइल तs सरकार के हमनी के लाश पs से जाए के पड़ी। एकरा बाद ही सरकार ए कानून के लागू कs पाई। उ कहले कि हमनी के आप लोग से अपील करतानी कि आपके चिंता के समाधान हो गईल बा। रउरा अपना गाड़ी बिना डर ​​के गाड़ी चलाई।