यमुना एक्सप्रेसवे पs भीषण सड़क हादसा, बस ट्रक के मरलस टक्कर, 5 लोगन के मउत, कईयो घायल
उत्तर प्रदेश के यमुना एक्सप्रेसवे पs एक बेर फेरु एगो भयानक सड़क हादसा देखे के मिलल बा. असल में अलीगढ़ के टप्पल थाना क्षेत्र में यमुना एक्सप्रेसवे पs ट्रक अवुरी बस के बीच टक्कर भईल। एs दुर्घटना में कुल 5 लोग के मउत हो गईल, जबकि डेढ़ दर्जन लोग घाही हो गईले। असल में ई दुर्घटना तब भइल जब निजी बस ट्रक से टकरा गइल. निजी बस दिल्ली से आजमगढ़ जात रहे। पुलिस सभे घाही के इलाज खातीर जेवर के कैलाश अस्पताल में भर्ती करवले बिया। एकरा से पहिले 15 नवंबर के गौतम बुद्ध नगर के दादरी इलाका में एगो ट्रैक्टर कथित तौर पs मोटरसाइकिल के टक्कर मार देले रहे। एs दुर्घटना में मोटरसाइकिल सवार एगो महिला के मउत हो गईल रहे। महिला के पति अवुरी बच्चा गंभीर रूप से घाही हो गईले।
हाल ही में एगो बाइक सवार के एगो ट्रैक्टर कचट दिहलस
एs घटना के जानकारी देत पुलिस कहलस कि बियफ़ें के रात कोट पुलिस के नजदीक इs दुर्घटना देखल गईल, जब गाजियाबाद निवासी विनोद कुमार आपन पत्नी पूजा अवुरी बेटा बिलू के संगे मोटरसाइकिल से अलीगढ़ में अपना ससुराल के लगे जात रहले। दादरी थाना प्रभारी सुजीत उपाध्याय बतवले कि एगो ट्रैक्टर उनुका मोटरसाइकिल से टकरा गईल। एs दुर्घटना में तीनों गंभीर रूप से घाही हो गईले। एकरा बाद एs लोग के इलाज खातीर अस्पताल में भर्ती करावल गईल, जहां पूजा के इलाज के दौरान मउत हो गईल अवुरी विनोद अवुरी बिल्लू के इलाज अस्पताल में चलता। पुलिस एs मामला में जांच करतिया।