पोछा लगावत घरी पानी में मिलाइ इs चीज, घर में छुपल मच्छरन से मिली छुटकारा
आजकल सब लोग बढ़त मच्छर के लेके चिंतित बा। घर के कोना में लुकाइल मच्छर के भगावे के एगो आसान तरीका साफ-सफाई के कायम राखल बा। घर के खिड़की दरवाजा खाली दिन में ही खोलल जाला। घर के पोंछत घरी कुछ चीज़ पानी में मिला लीं जवन कीड़ा-मकोड़ा, मक्खी अवुरी मच्छर के भगावे में मदद करेला। आज हमनी के अइसन 3 गो बात बतावत बानी जा जवना से कीड़ा-मकोड़ा के साथे घर से मच्छर भी खतम हो जाई।
•पानी में सिरका डाली- सिरका के इस्तेमाल से मच्छर भगावे के काम कईल जा सकता। एहसे पोंछत घरी पानी में कुछ सिरका डाल के ओकरा बाद पोंछ लीं। सिरका गंदा फर्श के साफ करे अवुरी मच्छर के भगावे में भी मदद करी। सिरका अवुरी पानी के घोल से कीड़ा-मकोड़ा भी दूर हो जाई।
•पानी में एसेंशियल ऑयल डालें- बहुत सारा एसेंशियल ऑयल होला जवन घर में सुगंध फइलावे के अलावा मच्छर के भी भगावेला। पोंछत घरी पानी में लैवेंडर के तेल भा पुदीना के एसेंशियल ऑयल डाल सकेनी। एहसे फर्श साफ हो जाई अवुरी घर में लुकाईल मच्छर भी भाग जईहे।
•दालचीनी के पानी में डाली – घर में मसाला में इस्तेमाल होखे वाला दालचीनी मच्छर अवुरी कीड़ा-मकोड़ा के भगावे के काम भी करेला। एकरा खातिर 2-3 टुकड़ा दालचीनी लेके पानी में उबाल लीं। एह पानी के पोंछे वाला पानी में मिला के ओकरा से पूरा घर के पोंछ दीं। एहसे फर्श साफ हो जाई अवुरी मक्खी अवुरी मच्छर भी ना आई।
•पानी में डिश वॉशर सोप मिला लीं - सामान्य पानी से पोंछे के बजाय पानी में डिश वॉशर साबुन मिला लीं। हालांकि अयीसन कईला के बाद दु बेर पोंछे के पड़ी। पहिले साबुन वाला पानी से फर्श साफ करीं अवुरी ओकरा बाद एक बेर सामान्य पानी से पोंछ लीं। एहसे मच्छर आ कीड़ा-मकोड़ा भाग जाई.
