विनाशकारी तूफान मिल्टन फ्लोरिडा में मचइलस तबाही, घातक बवंडर घर के कs दिहलस नष्ट

बियफ़ें के मध्य फ्लोरिडा में मिल्टन तूफान से तबाही मच गईल बा। बियफ़ें के ही आंधी राज्य के पश्चिमी तट पs पहुंच गईल रहे। एह तूफान से जानलेवा बवंडर पैदा भइल जवना से घर तबाह हो गइल. आंधी के चलते करीब 20 लाख घर के बिजली कट गईल। अमेरिकी राष्ट्रीय तूफान केंद्र के कहल बा कि बुध के सबेरे साढ़े आठ बजे के आसपास ई तूफान सिएस्टा की के लगे तूफान के रूप में जमीन पs चहुँप गइल. एह दौरान हवा के गति 120 मील प्रति घंटा (195 किलोमीटर प्रति घंटा) रहे। पच्छिम-मध्य फ्लोरिडा के कुछ हिस्सा में फ्लैश फ्लडिंग भइल बा।

लोग के समस्या बढ़ गईल बा

फ्लोरिडा के गवर्नर रॉन डेसेंटिस बतवले कि एह तूफान से कम से कम 19 गो बवंडर आइल आ कई गो काउंटी में नुकसान भइल जवना से करीब 125 घर तबाह हो गइल जवना में से अधिकतर मोबाइल घर रहे. एह तूफान से राज्य में गैसोलीन के मांग बढ़ चुकल बा आ करीब एक चौथाई ईंधन स्टेशनन के आपूर्ति खतम हो गइल बा. आंधी के चलते पानी के आपूर्ति भी प्रभावित भईल बा। कई जगहा पाइप लाइन टूट गइल बा जवना से जनता के समस्या बढ़ गइल बा. फ्लोरिडा के गल्फ कोस्ट आ ओकरा आसपास रहे वाला लोग के सुरक्षित जगहा पs ले जाइल गइल बा.

राष्ट्रपति जो बाइडेन फ्लोरिडा खातिर आपातकाल के घोषणा कइले बाड़न आ सहायता खातिर सात हजार बचावकर्मी के तैनात कइल गइल बा. मिल्टन तूफान के चलते अमेरिका के राष्ट्रपति जो बाइडेन जर्मनी आ अंगोला के यात्रा टार दिहले बाड़न. अमेरिकी राष्ट्रपति जनता से सुरक्षित जगह पs जाए के अपील कईले बाड़े। बाइडेन कहले कि इs जनम-मरण के बात बा। फ्लोरिडा में ई एक सदी में आइल सबले खराब तूफान हो सकेला. सब लोग सावधान रहीं आ सुरक्षित रहीं।