बांग्लादेश में बिगड़ल हालात से ICC के बढ़ल चिंता, एs बड़ टूर्नामेंट के दूसरे जगह शिफ्ट करे पs कs रहल बा विचार

पांच अगस्त के बांग्लादेश में आतंरिक सुरक्षा में अचानक गिरावट आईसीसी के चिंता भी बढ़ा देले बा। बांग्लादेश में शेख हसीना सरकार के खिलाफ बहुत दिन से विरोध प्रदर्शन देखल जात रहे, जवना के बाद सोमार 4 अगस्त के शेख हसीना अपना पद से इस्तीफा दे के देश छोड़ देली, जवना के चलते अचानक बहुत अराजक माहौल बन गईल। फिलहाल बांग्लादेश में ओहिजा के सेना अंतरिम सत्ता अपना कब्जा में ले लिहले बिया बाकिर 2 महीना बाद ओहिजा होखे वाला महिला टी-20 विश्व कप टूर्नामेंट में खिलाड़ियन के सुरक्षा के लेके आईसीसी बहुते चिंतित बा.

आईसीसी अबहियो बांग्लादेश के हालात पs नजर रखले बिया

महिला टी-20 विश्व कप 2024 के लेके बांग्लादेश के बिगड़त हालात पs आईसीसी लगातार पूरा नजर रखले बा। आईसीसी के एगो बोर्ड सदस्य ईएसपीएन क्रिकइंफो के दिहल बयान में कहले कि, आईसीसी बांग्लादेश क्रिकेट बोर्ड (बीसीबी), उनुकर सुरक्षा एजेंसी अवुरी हमनी के खुद के स्वतंत्र सुरक्षा सलाहकार के संगे लगातार संपर्क में बा अवुरी एs विकास के बारीकी से निगरानी करतिया। हमनी के प्राथमिकता सभ खिलाड़ियन के सुरक्षा बा। टूर्नामेंट शुरू होखे में अबहीं 7 हफ्ता बाचल बा एहसे एकरा के शिफ्ट करे पs कवनो बयान दिहल बहुते जल्दी हो सकेला.

आईसीसी भारत भा श्रीलंका में एह टूर्नामेंट के आयोजन करे पs विचार कs सकेला

एक ओर आईसीसी अबहियों बांग्लादेश के बिगड़त हालात पs नजर रखले बिया जबकि दोसरा तरफ ईएसपीएन के खबर के मुताबिक आईसीसी महिला टी-20 विश्व कप के आयोजन खातिर बैकअप के रूप में भारत, श्रीलंका भा यूएई के भी चुन सकेला कवनो दोसरा जगहा पs बा. बांग्लादेश में होखे वाला महिला टी-20 विश्व कप मैच के आयोजन ढाका आ सिलहट में होखे वाला बा जवना में पहिला मैच दू अक्टूबर के होखी जबकि आखिरी मैच 20 अक्टूबर के ढाका के शेर-ए-बांग्ला नेशनल स्टेडियम में होखी.