छपरा से चले वाली ट्रेन के समय में बढ़न्ती: पटना-थावे स्पेशल रेल के संचालन 92 फेरा खातिर बढ़ल

रेलवे प्रशासन यात्री के सुविधा खातिर पहिलही से चलावल जा रहल ट्रेन संख्या 03215/ 03216 पटना-थावे-पटना विशेष गाड़ी के संचालन अवधि के विस्तार कइले बा। ई ट्रेन 31 दिसंबर तक 92 फेरन खातिर चलावल जाई। रेल से सारण जिला के पटना से जोड़े वाली ट्रेनन में से ई एकमात्र ट्रेन हs। एकरा संचालन से छपरा शहर सहित जिला के उत्तरी हिस्सा के यात्रियन के विशेष फायदा मिलेला। ई जानकारी जनसंपर्क पदाधिकारी अशोक कुमार पत्र जारी करत देले बाड़ें।

गाड़ी संख्या 03215 पटना-थावे विशेष गाड़ी 31 दिसंबर तक पटना से 12:10 बजे चली। फुलवारी शरीफ से 12:22 बजे, पाटलिपुत्र से 12:45 बजे, दीघा ब्रिज हॉल्ट से 12:51 बजे, दिघवारा से 13:52 बजे, गोल्डिनगंज से 14:25 बजे, खैरा से 15:13 बजे, मढ़ौरा से 15:32 बजे, मसरख से 15:48 बजे, राजापट्टी से 16:02 बजे, दिघवा दुबौली से 16:17 बजे, सिधवलिया से 16:32 बजे, रतनसराय से 16:47 बजे आ गोपालगंज से 17:07 बजे छूटके थावे 17:40 बजे पहुंचेले।

गोपालगंज होके चलेले ट्रेन

गाड़ी संख्या 03216 थावे-पटना विशेष गाड़ी 31 दिसंबर तक थावे से 18:25 बजे चलके गोपालगंज से 18:35 बजे, रतनसराय से 18:55 बजे, सिधवलिया 19:12 बजे, दिघवा दुबौली से 19:30 बजे, राजापट्टी से 19:45 बजे, मसरख से 19:57 बजे, मढ़ौरा 20:22 बजे, खैरा 20:38 बजे, गोल्डिनगंज से 21:20 बजे, दिघवारा 21:32 बजे, दीघा ब्रिज हाल्ट से 23:00 बजे, पाटलिपुत्र से 23:10 बजे आ फुलवारी शरीफ से 23:35 बजे छूटके पटना 23:45 बजे पहुंचेले।

ट्रेन में होई 22 कोच

गाड़ी में जीएसएलआरडी के दुगो, साधारण द्वितीय श्रेणी कुर्सीयान के एगो आ साधारण द्वितीय श्रेणी के 19 कोचन सहित कुल 22 कोच लगावल जाई।