अहमदाबाद आ भुज के बीच फर्राटा से भागी देश के पहिला वंदे मेट्रो, देवे के होई एतना किराया

देश के जनता के यात्रा के आरामदायक बनावे खातिर रेलवे के रूपांतरण हो रहल बा। एह प्रयास के नतीजा ई बा कि भारत में वंदे भारत जइसन तेज ट्रेन चल रहल बा जवना से लोग के कम समय में लमहर दूरी तय करे के विकल्प मिलत बा. लोग के सफर के अउरी सुखद बनावे खातिर रेलवे अब वंदे मेट्रो भी शुरू कs रहल बा।  भारत के पहिला वंदे मेट्रो गुजरात के अहमदाबाद आ भुज के बीच चली.

वंदे मेट्रो में केतना किराया

देश के पहिला वंदे मेट्रो ट्रेन के न्यूनतम किराया जीएसटी समेत 30 रुपिया होई। सीजन टिकट : किराया तालिका के अनुसार वंदे मेट्रो पs एकल यात्रा खातिर साप्ताहिक, पखवाड़ा आ मासिक सीजन टिकट क्रमशः ₹7, ₹15 आ ₹20 के दर से लिहल जाई।

वंदे मेट्रो कवना गति से चली?

वंदे मेट्रो के डिजाइन अइसन बनावल गइल बा कि ई पटरी पs 200 किलोमीटर प्रति घंटा के रफ्तार से चल सके. बाकिर एकर गति 100 से 150 किलोमीटर होई। नोकरी खातिर रोज गाँव आ छोट शहर से बड़ शहर आवे जाए वाला लोग खातिर वंदे मेट्रो के सेवा बहुत उपयोगी होई। ट्रेन में लोग के सफर के आरामदायक बनावे खातिर एकरा में आधुनिक सुविधा दिहल गईल बा।

वंडे मेट्रो के समय सारिणी 

वंदे मेट्रो गुजरात के भुज से सबेरे 05.05 बजे रवाना होई आ सबेरे 10:50 बजे अहमदाबाद पहुंची। बदला में इs ट्रेन अहमदाबाद स्टेशन से रात 05:30 बजे निकली अवुरी रात 11:10 बजे भूज पहुंची। एह दौरान वंदे मेट्रो ट्रेन कुल 9 स्टेशन पs रुकी। स्टेशन पs एह ट्रेन के औसत स्टॉप लगभग 2 मिनट के होई। इs ट्रेन 5 घंटा 45 मिनट में आपन सफर पूरा करी।