भारतीय टीम के पूर्व खिलाड़ी के नाव जारी भइल अरेस्ट वारंट, लाखन के धोखाधड़ी से जुड़ल बा मामिला
एगो रिपोर्ट के मुताबिक, भारतीय टीम के खिलाड़ी रहल अवुरी ओपनिंग बल्लेबाज रॉबिन उथप्पा के खिलाफ एपीएएफओ में फ्रॉड के आरोप में गिरफ्तारी के वारंट जारी कs दिहल गईल बा। रॉबिन उथप्पा अपना कर्मचारी के वेतन से भविष्य निधि (पीएफ) के पईसा काटले लेकिन जमा ना कईले। रिपोर्ट के मुताबिक इs रकम लगभग 23 लाख रुपया बा, जवना के चलते 4 दिसंबर के उनुका खिलाफ गिरफ्तारी के वारंट जारी भईल रहे। एs मामला में उथप्पा के पूरा पईसा जमा करे खातीर 27 दिसंबर ले समय दिहल गईल बा, बाकिर जदी उs अयीसन ना करीहे तs उनुका के फेर से गिरफ्तार कईल जा सकता।
उथप्पा के बेंगलुरु में कपड़ा के कंपनी
अब दुबई में बसल रॉबिन उथप्पा के बेंगलुरु में एगो कपड़ा कंपनी बा जवना के निदेशक भी बाड़े। पीएफ धोखाधड़ी के मामला में उनुका खिलाफ जारी गिरफ्तारी वारंट के मुताबिक कंपनी के अपना कर्मचारी के पीएफ खाता में कुल रकम लगभग 23 लाख रुपया जमा करे के पड़ल, बाकिर इs पईसा कर्मचारी के वेतन से काटल गईले बाकिर जमा ना भईल, काहेंकी जवन अब पीएफ आयुक्त उथप्पा के खिलाफ गिरफ्तारी वारंट जारी कs देले बाड़े इs पूरा मामला सोझा अईला के बाद। फिलहाल दुबई में रहेवाला उथप्पा के एs पूरा मामला के जानकारी पुलिस के ओर से गिरफ्तारी के वारंट जारी होखला के बाद दिहल गईल बा। टाइम्स ऑफ इंडिया के रिपोर्ट के मुताबिक अबे ले उनुका खिलाफ कवनो आधिकारिक प्राथमिकी चाहे शिकायत दर्ज नईखे भईल।