मुंबई एयरपोर्ट पs उड़ान से पहिलवे खराब भइल फ्लाइट, यात्री लो कइले हंगामा

इंडिगो एयरलाइंस के उड़ान में देरी के बाद मुंबई हवाई अड्डा पs यात्री हंगामा मचवले। बतावल जाता कि फ्लाइट मुंबई से दोहा जात रहे। उड़ान के समय सबेरे 3:55 बजे रहे। बाकिर तकनीकी त्रुटि के चलते उड़ान में देरी हो गईल। एह दौरान यात्री लोग के बहुत देर ले फ्लाइट के भीतर बईठल राखल गईल। एकरा बाद यात्री लोग इंडिगो एयरलाइंस के लापरवाही के आरोप लगावत हंगामा मचवले। यात्री लोग के आरोप बा कि उs लोग के फ्लाइट में चढ़वा दिहल गईल रहे, बाकिर उनुका के इs ना बतावल गईल कि इंजन में कवनो खराबी बा।

मिलल प्रारंभिक जानकारी के मुताबिक इंडिगो एयरलाइंस के उड़ान में देरी के कारण तकनीकी त्रुटि बतावल जाता। सबेरे मुंबई से दोहा जाए वाली इंडिगो एयरलाइन के सबेरे 3:55 बजे उड़ान ना भरल। एकरा बाद यात्री लोग के बीच हंगामा मच गईल। यात्री लोग के आरोप बा कि उs लोग के फ्लाइट में चढ़ा दिहल गईल रहे, बाकिर इs ना बतावल गईल कि इंजन में कवनो खराबी बा। यात्री लोग के चढ़ला के बाद करीब 3 से 4 घंटा ले विमान में इंतजार करावल गईल, जवना के बाद उs लोग शिकायत कईले। एs दौरान हवाई अड्डा पs यात्री अवुरी इंडिगो के कर्मचारी के बीच बहस भईल।

250-300 यात्री फंस गईले

कई घंटा ले यात्री के फ्लाइट में बईठावल गईल। कुछ घंटा इंतजार कईला के बाद यात्री के विमान से बाहर निकाल के इमिग्रेशन वेटिंग एरिया में बईठावल गईल। यात्री लोग के आरोप बा कि अबे ले एयरलाइन के ओर से उनुका के कवनो ठोस जानकारी नईखे दिहल गईल अवुरी उs लोग के हवाई अड्डा से बाहर निकले के अनुमति ले नईखे मिलत। हालांकि कुछ समय पहिले एयरलाइंस उनुका के बतवले रहे कि उs लोग होटल में रहे के इंतजाम करतारे। एह उड़ान के करीब 250 से 300 यात्री मुंबई हवाई अड्डा पs फंसल बाड़े।