इंस्टाग्राम पs मैसेज भेजले के बाद कs सकेंनी एडिट, बाकिर खाली एतना समय के भीतर

इंस्टाग्राम के आखिरकार आपन सबसे प्रतीक्षित फीचर मिल गईल बा। मेटा फोटो अवुरी वीडियो शेयरिंग प्लेटफॉर्म इंस्टाग्राम के कहनाम बा कि अब यूजर अपना प्लेटफॉर्म पs संदेश भेजला के 15 मिनट के भीतर संपादित कs सकतारे। एकरा अलावे पिन चैट करे के विकल्प भी बा। यूजर के तीन गो ग्रुप चैट पिन करे के फीचर मिली।

15 मिनट के एडिटिंग विंडो के फीचर व्हाट्सएप निहन बा। एह फीचर से यूजर ओह संदेशन के सुधार सकेलें जवन ओह लोग के सही ना लागे भा अगर ऊ गलत संदेश लिखले होखे। प्रयोगकर्ता लोग एक बेर संपादित संदेश के बार-बार संपादित कs सकेsला। एक बेर संदेश संपादित हो गइला के बाद हाइलाइट हो जाई कि संदेश संपादित हो गइल बा।

एकरा अलावे इंस्टाग्राम व्हाट्सएप जईसन एगो अवुरी नाया फीचर लेके आईल बा, जवना के मदद से यूजर read recipients फीचर बंद कs सकतारे। इs फीचर ओ लोग खातीर बा, जवन कि प्राइवेसी के जादे महत्व देवेले। अब यूजर आपन पसंदीदा स्टिकर भी सेव कs सकेले। संगही, उs लोग कवनो टेक्स्ट मैसेज के जवाब स्टिकर, जीआईएफ, फोटो चाहे वीडियो से दे सकतारे।

मैसेज के एडिट कईसे कईल जाला?

एंड्रॉयड अवुरी आईओएस दुनो डिवाइस पs इंस्टाग्राम मैसेज के एडिट कs सकतानी। बस रउरा ई सुनिश्चित करे के पड़ी कि राउर ऐप अपडेट बा। इंस्टाग्राम पs कवनो मैसेज के एडिट करे खातिर जवना मैसेज के एडिट कईल चाहतानी ओकरा के लंबा दबाई, तs आपके एगो मेनू देखाई दिही। मेनू से एडिट विकल्प चुनीं आ संदेश के संपादित करीं। ध्यान रहे कि आप आपन इंस्टाग्राम पs सीधा संदेश के खाली 15 मिनट खातीर एडिट कs सकेनी।

चैट के पिन कईसे कईल जाला?

कवनो चैट के पिन करे खातिर ओह पोर्ट भा ग्रुप पर बाईं ओर स्वाइप करीं जवना के रउरा पिन कइल चाहत बानी. रउरा पिन के विकल्प देखाई दिही, ओकरा प क्लिक करीं। रउआँ कबो भी एही स्टेप के पालन करके एकरा के अनपिन कर सकत बानी। रउआँ तीन गो समूह, तीन गो प्रोफाइल भा दुनो के मिश्रण के पिन कर सकेनी।

चैट में थीम लगा सकेनीं

इंस्टाग्राम यूजर अब अपना मूड के मुताबिक चैट खातीर थीम चुन सकेले। कंपनी यूजर लोग खातिर कुछ नया थीम पेश कइले बिया जइसे कि Love (soon to be animated), Lollipop, Avatar: The Last Airbender.