Layoff: 18 हजार कर्मचारियन के छंटनी कs सकत बिया है इंटेल, खरचा में 20 अरब डॉलर के कटौती करे के तइयारी
अमेरिकी चिप निर्माता कंपनी इंटेल ने बियफे के एलान कइलें कि ऊ अपना परिचालन के बेवस्थित करे के उद्देश्य से अपना कुल स्टाफ में से 15 प्रतिशत के कटौती करी। रिपोर्ट्स के मोताबिक, इंटेल में अभी एक लाख चौबीस हजार कर्मचारी कार्यरत बा लो। अइसन में कंपनी के एलान के मोताबिक करीब 18 हजार कर्मचारियन के छंटनी कइल जा सकत बा।
खर्चन में 20 अरब डॉलर के कटौती करी कंपनी
इंटेल के योजना बा कि ऊ अपना एह साल के खर्च में करीब 20 अरब डॉलर के कटौती कs सकत बिया। कंपनी के हालिया तिमाही में करीब 1.6 अरब डॉलर के नुकसान झेले के पड़ल बा। कंपनी के सीईओ पैट गेलसिंगर बयान जारी कs के कहले बाड़े कि 'हमनी के दूसरका तिमाही में प्रदर्शन बहुते खराब रहल बा जबकि हमनी के प्रमुख उत्पाद आ प्रौद्योगिकी में मील के पत्थर हासिल कइले बा। दूसरका छमाही के रुझान हमनी के पिछला उम्मीद से कहीं जादे चुनौतीपूर्ण बा।' मुख्य वित्तीय अधिकारी डेविड जिन्सनर कहलें, 'अपना खर्च में कटौती कs के, हमनी के अपना मुनाफा के बेहतर बनावे आ आपन बैलेंस शीट के मजबूत करे खातिर सक्रिय डेग उठा रहल बा लो।
इस्राइल में कंपनी अपना निवेश पs लगवलस रोक
घाटा से परेसान इंटेल जून में घोषणा कइले रहे कि ऊ इस्राइल में एगो प्रमुख फैक्ट्री परियोजना के विस्तार के अभी रोक रहल बिया। कंपनी इस्राइल में चिप प्लांट खातिर अतिरिक्त 15 अरब डॉलर के निवेश के योजना बनावत रहे। इंटेल के प्रतिद्वंदी कंपनी एनवीडिया, एएमडी आ क्वालकॉम से कड़ा चुनौतियन के सामना करे के पड़ रहल बा। दशकन से, इंटेल चिप्स के बाजार पs आपन दबदबा बना के रखले बा। जवन लैपटॉप से लेके डेटा सेंटर तक में इस्तेमाल होला। बाकिर हाल के बरिसन में एनवीडिया जइसन कंपनियन के एआई के क्षेत्र में आगे बढ़ गइल बा।