राजस्थान रॉयल्स लगातार चउथा IPL मुकाबला हरवलस : पंजाब 5 विकेट से हरवलस; कप्तान सैम करन के फिफ्टी, दु विकेट लेलस
पंजाब किंग्स ने IPL-2024 के 65वां मैच में राजस्थान रॉयल्स के 5 विकेट से हरा देलस। पंजाब बुध के सीजन में 5वां मुकाबला जीतले बा। टीम के 10 अंक हो गइल बा। दूसरका ओर, प्लेऑफ में पहुंच चुकल राजस्थान लगातार चउथा मैच गंववलस।
राजस्थान अपना दूसरका होमग्राउंड गुवाहाटी में टॉस जीतके बैटिंग चुनलस। टीम 20 ओवर में 9 विकेट पs 144 रन बनवलस। जवाब में पंजाब 18.5 ओवर में 5 विकेट पs टारगेट हासिल कs लेलस। कप्तान सैम करन नाबाद 63 रन के पारी खेललें। संगही 2 विकेट चटकवलें। उनका के प्लेयर ऑफ द मैच चुनल गइल।
प्लेयर्स परफॉर्मेंस : सैम करन के दोहरा प्रदर्शन
RR से रियान पराग 34 गेना पs 48 रन के पारी खेलले। रविचंद्रन अश्विन 28 रन बनवले। कप्तान संजू सैमसन आ टॉम कोहलर-कैडमोर 18-18 रन के जोगदान देलें। पंजाब से कप्तान सैम करन, हर्षल पटेल आ राहुल चाहर के दु-दु विकेट मिलल। नाथन एलिस आ अर्शदीप सिंह के एक-एक विकेट मिलल।
पंजाब से कप्तान सैम करन 41 बॉल पs नाबाद 63 रन बनवलें। राइली रूसो आ जितेश शर्मा 22-22 रन बनावल लो। राजस्थान से आवेश खान आ युजवेंद्र चहल के 2-2 विकेट मिलल।
पावरप्ले में राजस्थान के खराब बैटिंग
टॉस जीतकर बैटिंग करे उतरल राजस्थान के बैटिंग खराब रहल। टीम पावरप्ले में एगो विकेट पs 38 रन बनवलें।
अश्विन-पराग के फिफ्टी पार्टनरशिप
42 पs तीन विकेट गंववला के बाद रियान पराग रविचंद्रन अश्विन के संगे चउथा विकेट खातिर 34 बॉल पs 50 रन के साझेदारी कइलस।
रन चेज में पंजाब के तीन बल्लेबाज पवेलियन लवटलें
145 रन के टारगेट चेज कs रहल पंजाब के सुरुआत खराब रहल। टीम पावरप्ले के भीतर 36 रन पs तीन विकेट गंवा देले रहे। सुरुआती छह ओवर में किंग्स 39 रन बना सकल।
सैम करन आ जितेश शर्मा के फिफ्टी पार्टनरशिप
48 रन के स्कोर पs बेयरस्टो के विकेट गंववला के बाद सैम करन जितेश शर्मा के संगे 5वां विकेट खातिर 63 आ छठा विकेट खातिर आशुतोष शर्मा के संगे नाबाद 34 रन के साझेदारी कइलें।
मैच के दौरान दुनो टीमन के प्लेइंग-11
राजस्थान रॉयल्स : संजू सैमसन (कप्तान & विकेटकीपर), यशस्वी जायसवाल, टॉम कोहलर-कैडमोर, रियान पराग, ध्रुव जुरेल, रोवमन पावेल, आर अश्विन, ट्रेंट बोल्ट, अवेश खान, संदीप शर्मा आ युजवेंद्र चहल। इम्पैक्ट प्लेयर: डोनेवान फरेरा।
पंजाब किंग्स : सैम करन (कप्तान), प्रभसिमरन सिंह, जॉनी बेयरस्टो (विकेटकीपर), राइली रुसो, शशांक सिंह, जितेश शर्मा, हरप्रीत बरार, हर्षल पटेल, नाथन एलिस, राहुल चाहर आ अर्शदीप सिंह। इम्पैक्ट प्लेयर: अशुतोष शर्मा।