का रश्मिका मंदाना 'पुष्पा 2' के नया पोस्टर में एह एक्टर के कइली कॉपी?'

अल्लू अर्जुन आ रश्मिका मंदाना के फिलिम ‘पुष्पा 2’ साल 2024 के सबले प्रतीक्षित फिलिमन में से एगो ह। प्रशंसक एह फिलिम के बेसब्री से इंतजार करत बाड़े। ओने काल्हु रश्मिका मंदाना के 28वां जन्मदिन पs मेकर प्रशंसकन के एगो उपहार दिहले बाड़ी। उs ए फिल्म से रश्मिका के नयका लुक शेयर कईले, जवना में अभिनेत्री अपना पारंपरिक लुक से लोग के दिल जीत लेले रहली। कुछ ही देर में रश्मिका के इs लुक सोशल मीडिया पs लोकप्रिय हो गईल। हालांकि कुछ प्रशंसक रश्मिका मंदाना के एह लुक के महेश बाबू के फिलिम के कॉपी कहत बाड़े जवना पs अब अभिनेत्री खुदे रिएक्ट कs दिहले बाड़ी।

का रश्मिका मंदाना महेश बाबू के नकल कइले रहली?

‘पुष्प 2’ के एह फोटो में रश्मिका मंदाना हरियर पट्टू साड़ी, बाल में सेनूर अवुरी हाथ में हरियर-लाल चूड़ी पहिनले देखाई देतारी। अभिनेत्री रश्मिका मंदाना कमरबंद, नाक के नथ अवुरी गर्दन मे मंगलसूत्र वाला हार पहिन के बहुत सुंदर देखाई देतारी। एह तस्वीर में रश्मिका अपना अंगुरी से झांकत कातिलाना एक्सप्रेशंस देत लउकत बाड़ी। रश्मिका के इs अंदाज लोग के दिल जीत रहल बा। हालांकि, जसही रश्मिका के इs फोटो सोशल मीडिया पs वायरल भईल, कुछ लोग उनुका लुक के महेश बाबू के 'गुंटूर करम' के कॉपी कहे लगले। प्रशंसक महेश बाबू के फिलिम ‘गुंटूर करम’ के फोटो निकाल लिहले जवना में ऊ ठीक रश्मिका मंदाना जइसन पोज देत लउकत बाड़न। यूजर दुनो तस्वीर के कोलाज बना के दावा कईले कि रश्मिका के इs नया लुक महेश बाबू के फिल्म से नकल बा! अब एह प्रशंसक के पोस्ट पs प्रतिक्रिया देत अभिनेत्री लिखले बाड़ी कि, 'अरे बढ़िया... ई कोलाज हमरा बहुते नीक लागल।

फिल्म ‘पुष्पा 2’ के बारे में

बता दीं कि निर्देशक सुकुमार के फिल्म ‘पुष्पा: द राइज’ के बाद अल्लू अर्जुन, रश्मिका मंदाना आ फहद फासिल एह सुपरहिट फिल्म ‘पुष्पा 2: द रूल’ के सीक्वल में आपन भूमिका दोबारा निभावत लउके वाला बाड़े। ‘पुष्पा 2’ भी अब विश्व बॉक्स ऑफिस पs करोड़ों के बम्पर कमाई करे खातिर तैयार बा। एह फिलिम से प्रशंसक सुपर एक्साइटेड लउकत बाड़े।