Ishan Kishan: ईशान किशन करिहें वापसी, कप्तानी मिलले के बा संभावना; रिपोर्ट्स में भइल खुलासा
इशान किशन : इशान किशन भारतीय टीम खातिर आपन आखिरी मैच साल 2023 में खेलले रहले। ओकरा बाद से ऊ टीम इंडिया से बाहर बाड़न. उनुका से बार-बार घरेलू क्रिकेट खेले के कहल जात रहे बाकिर उs मना करत रहले। घरेलू क्रिकेट खेले के बजाय उs सीधा आईपीएल में खेले के फैसला कईले। बीसीसीआई के केंद्रीय अनुबंध में भी उनुकर नाम नईखे। शायद ईशान के मिजाज अब बदल गइल बा आ ऊ घरेलू क्रिकेट में वापसी करे खातिर तइयार बाड़न. झारखंड स्टेट क्रिकेट एसोसिएशन के ओर से उनुका के प्री सीजन के 25 संभावित खिलाड़ी के सूची में शामिल कईल गईल बा।
घरेलू क्रिकेट में वापसी करीहें
क्रिकबज के रिपोर्ट के मुताबिक, 26 साल के इशान किशन आवे वाला घरेलू सीजन खातीर झारखंड राज्य खातीर खेले पs तैयार हो गईल बाड़े। उनुका राज्य के कप्तान के पद भी मिल सकता। इशान झारखंड राज्य क्रिकेट संघ के आपन उपलब्धता के जानकारी देले बाड़े। ऊ अंडर-19 में भारतीय टीम के कप्तान बन चुकल बाड़न. रिपोर्ट में आगे कहल गईल बा कि ईशान के उनुका शुभचिंतक के परामर्श मिलल बा अवुरी चयनकर्ता उनुका से बात कईले बाड़े। उनुका के घरेलू क्रिकेट खेले के सलाह दिहल गइल बा.
ईशान किशन दक्षिण अफ्रीका दौरा से आपन नाम वापस ले लिहले रहले. तब उs बीसीसीआई से ब्रेक मंगले रहले। एकरा बाद कोच राहुल द्रविड़ कहले रहले कि वापसी करे खातीर उनुका घरेलू क्रिकेट खेले के होई। रणजी ट्रॉफी तब चलत रहे। बाकिर उs झारखंड टीम खातीर खेले खातीर तैयार ना रहले। दरअसल उनुका के बड़ौदा में हार्दिक पांड्या के संगे क्रिकेट अकादमी में ट्रेनिंग करत देखल गईल।
ईशान किशन भारत खातिर साल 2021 में वनडे आ टी-20 में आपन डेब्यू कइले रहले. ऊ टीम इंडिया खातिर तीनों फॉर्मेट में क्रिकेट खेलले बाड़न. भारत खातिर 27 गो वनडे मैच में 933 रन आ 32 गो टी-20 इंटरनेशनल मैच में 796 रन बनवले बाड़न. वनडे क्रिकेट में भी उनकर नाम पs दोहरा शतक बा। एकरा अलावे उs टीम इंडिया खातिर दुगो टेस्ट मैच भी खेल चुकल बाड़े।