नाहीं रहले इs मशहूर फैशन डिजाइनर, बॉलीवुड से लेके हॉलीवुड स्टार्स के ड्रेस कs चुकल बाड़े डिजाइन
फैशन इंडस्ट्री से एगो दुखद खबर सामने आइल बा जवन रउरा के जबरदस्त झटका देबे वाला बा. मशहूर फैशन डिजाइनर रॉबर्टो कैवल्ली के 83 साल के उमिर में निधन हो गइल. उनुकर टीम सोशल मीडिया पs इs जानकारी साझा कईले बिया। इटली के फैशन डिजाइनर रॉबर्टो कैवल्ली, जे बॉलीवुड से लेके हॉलीवुड तक के कई सितारा खातिर ड्रेस डिजाइन कईले रहले, उनुका एनिमल प्रिंट डिजाइन खातीर जानल जात रहले। इटली के एजेंसी एएनएसए के खबर बा कि रॉबर्टो कैवल्ली के लंबा समय ले बेमारी के बाद फ्लोरेंस में घर में मउत हो गईल।
फैशन रॉबर्टो कैवल्ली के निधन
इटली के फैशन डिजाइनर रॉबर्टो कैवल्ली 1970 के दशक में आपन कंपनी के स्थापना कईले रहले। उनकर डिजाइन ब्रिगिट बार्डोट, सोफिया लॉरेन, किम कार्दशियन आ जेनिफर लोपेज आ दीपिका पादुकोण, ऐश्वर्या राय, प्रियंका चोपड़ा आ कंगना रनौत जइसन बॉलीवुड स्टार पहिरले बाड़ी. रॉबर्टो कैवल्ली के क्रिएटिव डायरेक्टर फॉस्टो पुग्लिसी कहले कि डिजाइनर भगवान के सबसे बड़ डिजाइनर मानत रहले। एही से उनकर जानवरन के प्रिंट के डिजाइन अलग रहे।