उलझ' के टीजर में उलझल दिखाई दिहली जाह्नवी कपूर, IFS ऑफिसर के किरदार में खूब जच रहल बाड़ी एक्ट्रेस
जाह्नवी कपूर आजुकाल्हु अपना आवे वाली फिलिम ‘उलझ’ खातिर सुर्खियन में बाड़ी. अभिनेत्री के एह फिलिम से प्रशंसक बहुते उत्साहित लउकत बाड़े. एही बीच हालही में ‘उलझ’ के टीजर रिलीज भइल बा जवन सस्पेंस आ रोमांच से भरल बा. एह टीजर में एगो यंग डिप्लोमैट के किरदार में जाह्नवी कपूर शानदार लउकत बाड़न. अभिनय के अलावे इs अभिनेत्री अपना दमदार संवाद से लोग के दिल जीतत भी देखाई देतारी।
टीजर कइसन बा?
‘उलझ’ के टीजर सुहाना यानी जाह्नवी कपूर के वॉयस ओवर से शुरू होला. जवना में ऊ कहत बाड़ी कि ‘का रउरा लागत बा कि रउरा जवन कुछ कइनी ऊ रउरा देश खातिर भइल? विश्वासघात, निष्ठा, जवना में हमनी जइसन लोग ही अझुरा जाला। ई राष्ट्र, आदेश...ई बालू में खींचाइल रेखा ह। इनकर कवनो मोल नइखे। विश्वासघात के कीमत तs जिंदगी से ही चुकावल जा सकता। बता दीं कि जाह्नवी कपूर एह फिलिम में भारतीय वन सेवा अधिकारी के किरदार निभवले बाड़ी. एह फिलिम के कहानी देशभक्ति पs आधारित बा जवन सुहाना (जाह्नवी कपूर) के इर्द गिर्द घूमत बा. टीजर में देखल जा सकेला कि कइसे सुहाना देश आ ओकरा खिलाफ साजिश के बीच अझुरा जाली. उलझ के ट्रेलर सामने आते ही सोशल मीडिया पs लोकप्रिय हो गइल बा। लोग के एकरा के बहुत पसंद आ रहल बा।
फिल्म ‘उलझ’ के बारे में
बता दीं कि जाह्नवी कपूर के अलावे एह फिलिम में मियांग चांग, राजेश तैलांग, आदिल हुसैन, राजेन्द्र गुप्ता आ जितेन्द्र जोशी के मुख्य भूमिका बा. एह फिलिम के निर्देशन सुधांशु सरिया कइले बाड़न. जबकि विनीत जैन एह फिलिम के निर्माता हउवें. ई फिलिम 5 जुलाई के सिनेमाघरन में रिलीज होखे वाला बा.