Jharkhand: पीएम मोदी से हेमंत सोरेन आ कल्पना के मुलाकात, बोललें- हमनी के इहां आसिरबाद लेवे आइल बानी सs 

नई दिल्ली। झारखंड में एक बेर फेर झारखंड मुक्ति मोर्चा (झामुमो) गठबंधन के सरकार बने वाला बा। झामुमो के जीत के बाद मुख्यमंत्री हेमंत सोरेन अपना पत्नी कल्पना सोरेन के संगे दिल्ली दौरा पs बाड़ें। आज ऊ प्रधानमंत्री नरेंद्र मोदी से मुलाकात कइलें। पीएम मोदी से मिले से पहिले हेमंत आ उनकर पत्नी केंद्रीय गृह मंत्री अमित शाह से मिले संसद भवन पहुंचल रहे लो। बता दीं कि एह महीना भइल विधानसभा चुनाव में झामुमो 81 में से 34 सीटन पs जीत हासिल कइले बिया। ओहिजा, भाजपा के 21, आजसू के एगो, लोजपा रामविलास के एगो, झारखंड लोकतांत्रिक क्रांतिकारी मोर्चा के एगो, जनता दल यूनाइटेड के एगो सीट पs जीत मिलल।

पीएम मोदी से मिलला के बाद हेमंत सोरेन पत्रकारन से बात कइलें। ऊ कहलें, रउआ सभे के नमस्कार। आवे वाला दिनन में आउर बैठक होई। बहुत सारा बात बा। हमनी के आपन सरकार बनावे के ना। हमनी के इहां आसिरबाद लेवे आइल बानी सs।

#WATCH | Delhi: After meeting Union HM Amit Shah, Jharkhand CM-designate Hemant Soren says, "Greetings to all of you...There will be meetings even in the days ahead...There are a lot of things. We have to form our government. We came here for blessings." pic.twitter.com/rgyQwKnPIT

— ANI (@ANI) November 26, 2024

मल्लिकार्जुन खरगे से भइल हेमंत सोरेन मुलाकात

एकरा पहिले हेमंत सोरेन आ उनकर पत्नी कांग्रेस के राष्ट्रीय अध्यक्ष मल्लिकार्जुन खरगे से मिले खातिर उनका आवास पहुंचल रहे लो, जहां ऊ संगही कांग्रेस नेता राहुल गांधी आ प्रियंका गांधी से मुलाकात कइलें।

VIDEO | Jharkhand CM Hemant Soren (@HemantSorenJMM) and his wife Kalpana arrive at Congress President Mallikarjun Kharge's residence, where they will meet party leaders Rahul Gandhi and Priyanka Gandhi Vadra. pic.twitter.com/EFw3kMnYtx

— Press Trust of India (@PTI_News) November 26, 2024

कल्पना सोरेन रहली झामुमो खातिर स्टार कैंपेनर

बता दीं कि एह साल हेमंत सोरेन के जेल गइला के दौरान कल्पना सोरेन राजनीति में आपन डेग रखली। विधानसभा चुनाव में झामुमो गठबंधन के जीत के बाद हेमंत सोरेन कल्पना सोरेन के स्टार कैंपेनर कहके संबोधितो कइलें। एतनही ना ऊ झामुमो के जीत के श्रेयो कल्पना के देलें। लोकसभा चुनाव में कल्पना सोरेन के बदौलत झामुमो पांच सीट जीते में कामयाब रहल रहे। हेमंत सोरेन के अनुपस्थिति में कल्पना वन मैन आर्मी के तरह झामुमो के संभरली।

इहो पढ़ीं: गोरखपुर में सड़क किनारे मिलल नवजात लईकी, मां के तलाश जारी