झारखंड के चार जिलन खातीर अच्छा खबर, जल्दिए बने वाला बा रेलवे लाइन

झारखंड के गुमला, खूंटी, सिमडेगा अवुरी चतरा जिला के जल्दिए देश के रेलवे नेटवर्क से जोड़े जा रहल बा। एs जिला में रेल लाइन बिछावे के पहल कुछ समय पहिले शुरू भईल रहे अवुरी अब झारखंड रेल इंफ्रास्ट्रक्चर डेवलपमेंट कॉरपोरेशन लिमिटेड (JRIDCL) सर्वेक्षण के काम पूरा कs लेले बिया। सर्वेक्षण रिपोर्ट भारतीय रेलवे के भी भेजल गईल बा। इs चारो जिला रांची रेलवे प्रमंडल के हिस्सा होई। एह जिलन में अबहीं ले कवनो रेल लाइन नइखे.

भारतीय रेलवे गुमला, खूंटी, सिमडेगा जिला के पहिले से मौजूद रांची-लोहदरगा रेल लाइन से जोड़े के योजना बनवले बिया. एकरा संगे चतरा जिला के रांची हजारीबाग रेलवे स्टेशन से जोड़ल जाई। झारखंड रेल इंफ्रास्ट्रक्चर डेवलपमेंट कॉरपोरेशन लिमिटेड के रिपोर्ट के राज्य सरकार से मंजूरी मिल गइल बा आ ओकरा के मंजूरी खातिर भारतीय रेलवे भेज दिहल गइल बा.

कहाँ आ कब ले पटरी बिछावल जाई?

रेल मंत्रालय से डीपीआर के मंजूरी मिलला के बाद पूरा योजना के डीपीआर तैयार हो जाई। एकरा बाद निविदा पास हो जाई अवुरी रेल लाइन बिछावे के काम शुरू हो जाई। अयीसना में एs जिला में रहेवाला लोग के ट्रेन यात्रा के सुख जल्दी ना मिली। एकरा खातिर लोग के तनी इंतजार करे के पड़ी। रिपोर्ट के मुताबिक लोहदरगा से गुमला तक 55 किलोमीटर, गुमला से सिमडोगा 43 किलोमीटर हटिया से खूंटी 20 किलोमीटर अवुरी हजारीबाद से चतरा के लिए 42 किलोमीटर रेलवे लाइन बिछावे के योजना बा।

इहो पढ़ीं: सबेरे-सबेरे: डिनर कइले के बाद जरूर करीं इs काम,धीरे-धीरे कम हो जाई राउर वजन