झारखंड वीमेंस एशियन चैंपियन्स ट्रॉफी: 27 अक्टूबर के सांझ चार बजे होई पहिला मैच, प्रतियोगिता में कुल 20 मैच
राजधानी रांची के मोरहाबादी इस्थित मरांग गोमके जयपाल सिंह मुंडा एस्ट्रोटर्फ स्टेडियम में 27 अक्टूबर से झारखंड वीमेंस एशियन चैंपियन्स ट्रॉफी के सुरुआत हो रहल बा। ई चैंपियनशिप पांच नवंबर तक चली। हॉकी फेडरेशन ऑफ इंडिया के ओर से एह प्रतियोगिता के शेड्यूल जारी कइल गइल बा। जारी शेड्यूल के मोताबिक एह प्रतियोगिता में कुल 20 मैच खेलल जाई।
जेमे 27 अक्टूबर से लेके दु नवंबर तक अलग-अलग देसन के टीम के बीच मैच होई। रांची में सब मैच एके पूल में खेलल जाई। पहिला मैच सांझ के चार बजे, दूसरका मैच सांझ के 6.15 बजे आ तीसरा मैच सांझ के 8.30 बजे खेलल जाई। हर दिन तीन मैच खेलल जाई।
पांच नवंबर के होई फाइनल मैच
झारखंड वीमेंस एशियन चैंपियन्स ट्रॉफी के फाइनल मैच पांच नवंबर के खेलल जाई। एकरा पहिले चार नवंबर के अलग-अलग पूल के सेमीफाइनल मैच होई। पांच नवंबर के सांझ 6.00 बजे Loser SF 1 आ Loser SF 2 के बीच मैच होई। एकरा बाद सांझ 8.30 बजे Winner SF1 बनाम Winner SF 2 मैच खेलल जाई।
ई टीम ले रहल बाड़ी सs हिस्सा
- भारत
- जापान
- कोरिया
- मलेशिया
- चीन
- थाइलैंड
ऐसा है मैच के पूरा शेड्यूल
27 अक्टूबर 2023
- 16.00 (4.00 बजे) : जापान बनाम मलेशिया
- 18.15 (6.15 बजे) : चीन बनाम कोरिया
- 20.30 (8.30 बजे) : भारत बनाम थाईलैंड
28 अक्टूबर 2023
- 16.00 (4.00 बजे) : जापान बनाम कोरिया
- 18.15 (6.15 बजे) : थाईलैंड बनाम चीन
- 20.30 (8.30 बजे) : भारत बनाम मलेशिया
29 अक्टूबर 2023 : रेस्ट डे
30 अक्टूबर 2023
- 16.00 (4.00 बजे) : कोरिया बनाम मलेशिया
- 18.15 (6.15 बजे) : थाईलैंड बनाम जापान
- 20.30 (8.30 बजे) : चीन बनाम इंडिया
31 अक्टूबर 2023
- 16.00 (4.00 बजे) : कोरिया बनाम थाईलैंड
- 18.15 (6.15 बजे) : मलेशिया बनाम चीन
- 20.30 (8.30 बजे) : जापान बनाम भारत
01 नवंबर 2023 : रेस्ट डे
02 नवंबर 2023
- 16.00 (4.00 बजे) : मलेशिया बनाम थाईलैंड
- 18.15 (6.15 बजे) : चीन बनाम जापान
- 20.30 (8.30 बजे) : इंडिया बनाम कोरिया
03 नवंबर 2023 : रेस्ट डे
04 नवंबर 2023
- 15.30 (3.30 बजे) : 5th in Pool बनाम 6th in Pool
- 18.00 (6.00 बजे) : 2nd in Pool बनाम 3rd in Pool
- 20.30 (8.30 बजे) : 1st in Pool बनाम 4th in Pool
05 नवंबर 2023
- 18.00 (6.00 बजे) : Loser SF 1 बनाम Loser SF 2
- 20.30 (8.30 बजे) : Winner SF1 बनाम Winner SF 2
इहां से मिली स्टेडियम में प्रवेश
गेट नंबर 1 : टीओपी के तरफ से खिलाङी, हॉकी इंडिया के तकनीकी पदाधिकारी आ ब्रॉडकास्ट के प्रवेश होई।
गेट नंबर 2 : स्टेडियम के मुख्य प्रवेश द्वार से वीवीआईपी, मीडिया आ निमंत्रण कार्डधारी दर्शकन के प्रवेश होई। एह गेट से खाली वीवीआईपी वाहन के प्रवेश होई आ अतिथियन के स्टेडियम के पोर्टिको पs उतार के वाहन स्टेडियम के अंदर पार्किंग स्थल पs पार्क कइल जाई। प्रशासनिक आ पुलिस पदाधिकारी के प्रवेश एही गेट से होई। वीआईपी पार्किंग के बेवस्था मोराबादी मैदान में स्टेज के पीछे के स्थान पs होई।
गेट नंबर 3 : बापू वाटिका के सामने से सामान्य दर्शकन के प्रवेश होई। दर्शकन खातिर वाहन पार्किंग के बेवस्था फुटबॉल स्टेडियम आ मोराबादी मैदान के बीच के स्थान पs होई।
गेट नंबर 4 : प्रेस क्लब के बगल में करमटोली चौक के ओर से सामान्य दर्शकन के प्रवेश होई। दर्शकन खातिर वाहन पार्किंग के बेवस्था आईएमए भवन पार्किंग स्थल आ करमटोली तालाब अखाड़ा में होई।
इहों जानीं : स्टेडियम में दर्शकन के भर गइला पs गेट नंबर 3 आ 4 से दर्शकन के प्रवेश बंद कs दिहल जाई। इच्छुक दर्शक मोराबादी मैदान आ फुटबॉल स्टेडियम के एलईडी स्क्रीन पs मैच के लाइव प्रसारण देख सकी लो। मैदान आ फुटबॉल स्टेडियम में जवन दर्शक एलईडी स्क्रीन पs मैच देखी लो। उनका वाहन पार्किंग के बेवस्था ऑक्सीजन पार्क के ओर मोराबादी मैदान में होई।
