पंचायत सीजन 4 में जितेन्द्र कुमार ना, ई अभिनेत्री सचिव जी बन जइहें, गोविंदा के साथे काम करे वाली अभिनेत्री के हीरोइन नंबर वन कहल जाला
पंचायत सीजन 4 से जुड़ल एगो अपडेट सामने आइल बा, जवना में बॉलीवुड अभिनेत्री करिश्मा कपूर के नयका सचिव बने के चर्चा होखता।
प्रशंसक बेसब्री से इंतजार करत बाड़े पंचायत सीजन 3 के, जवना के ट्रेलर रिलीज हो चुकल बा। ई सीरीज 28 मई के प्राइम वीडियो पर रिलीज होखे वाला बा । बाकिर हालही में एगो पोस्टर शेयर कइल गइल, जवना में फुलेरा गाँव खातिर नया सचिव के रिक्ति के जानकारी दिहल गइल । ओने बॉलीवुड अभिनेत्री करिश्मा कपूर एह सीरीज के हिस्सा बने के इच्छा जतवले बाड़ी जवना के वीडियो सोशल मीडिया पर वायरल हो रहल बा । खाली प्रशंसक ना बलुक सेलेबस के भी रिएक्ट करत देखल जा रहल बा।
करिश्मा कपूर इंस्टाग्राम प एगो वीडियो शेयर कइले बाड़ी, जवना में उ फुलेरा के नयका सचिव बने के इच्छा जतवले बाड़ी। क्लिप में अभिनेत्री कहत बाड़ी, नमस्ते मंजू देवी जी आ प्रधान पति जी । फुलेरा के सादगी हमरा के अपना ओर आकर्षित कइले बा। हालांकि बहुत समस्या बा आ उ होखत रहेला। बाकिर ओह समस्या के समाधान हम ले आ सकेनी । हमरा मालूम बा कि रउरा लोग का सोचत होखब । फुलेरा में करिश्मा इहे करीहें ।
आगे कहत बाड़ी, फुलेरा नाम सुनते ही। एकरा से एगो साधारण जीवन के सुगंध आवेला। एही से हमरा पूरा भरोसा बा कि हम फुलेरा के अगिला सचिव बन सकेनी आ हमार प्रिय फुलेरा निवासी लोग, एक बेर सचिव बन गइला पर राउर जिनिगी बिल्कुल साधारण ना होई। हम एगो बड़हन करिश्मा लेके आवत बानी। मतलब ग्लैमर, तनी अभिनय के क्लास आ ढेर मौका । फेर सीधे फुलेरा के प्रसिद्धि के ओर। त घर-घर में नाच-गाना होई। काहे कि उनका लगे सचिव नंबर एक होखी । त बस एह मासूम चेहरा पर विश्वास करीं आ ओकरा के फुलेरा के अगिला सचिव बना दीं ।