कंगना रनौत : सुप्रिया श्रिनेत के आपत्तिजनक पोस्ट प कंगना जवाबी, सोशल मीडिया प उचित जवाब दिहली
सुप्रिया एगो आपत्तिजनक पोस्ट कंगना के तस्वीर के संगे शेयर कईले रहली, जवना के बाद भाजपा के नेता कांग्रेस प कड़ा हमला करsतारे।
हालही में भाजपा हिमाचल प्रदेश के मंडी सीट से कंगना रानौत के लोकसभा चुनाव खातिर आपन उम्मीदवार बना दिहले बिया । उनका नाम के एलान के बाद से फिल्म स्टार समेत राजनेता के प्रतिक्रिया सोझा आवे लागल बा। एही बीच कांग्रेस नेता सुप्रिया श्रिनेत ए अभिनेत्री के बारे में एगो पोस्ट कईले बाड़ी, जवना के चलते विवाद पैदा हो गईल बा।
भाजपा आपत्ति जतsवलस
असल में सुप्रिया कंगना के तस्वीर के संगे एगो आपत्तिजनक पोस्ट शेयर कईले रहली, जवना के बाद भाजपा के नेता कांग्रेस प कड़ा हमला करsतारे। हालांकि बाद में ई पोस्ट हटा दिहल गइल बाकिर एह मामिला प विवाद रुकत नइखे लउकत । अब कंगना रनौत के प्रतिक्रिया भी एह पोस्ट प सोझा आईल बा।
कंगना एपर प्रतिक्रिया देली
कंगना सुप्रिया के पोस्ट के स्क्रीनशॉट शेयर करत एक्स प लिखली कि, प्रिय सुप्रिया जी, हम कलाकार के रूप में अपना कैरियर के पछिला 20 साल में हर प्रकार के महिला किरदार निभवले बानी। रानी में एगो मासूम लईकी से लेके धाकर में जासूस तक, मणिकर्णिका में देवी से लेके चंद्रमुखी में राक्षस तक। रज्जो के रंडी से लेके थलैवी में क्रांतिकारी नेता तक। हमनी के अपना बेटी के पूर्वाग्रह के बेड़ी से मुक्त करावे के चाही। हमनी के ओह लोग के शरीर के अंग के बारे में उत्सुकता से ऊपर उठ जाए के चाहीं। एकरा अलावे हमनी के सेक्स वर्कर के चुनौतीपूर्ण जीवन चाहे परिस्थिति के वर्णन करे खाती अयीसन निंदा के इस्तेमाल से बचे के चाही। हर नारी अपना इज्जत के हकदार बिया....”