Kangana Ranaut vs Supriya Shrinate: कंगना पs विवादित पोस्ट के बाद घिरली सुप्रिया श्रीनेत; देवे के पड़ल सफाई
कांग्रेस नेता आ राष्ट्रीय प्रवक्ता सुप्रिया श्रीनेत से जुड़ल एगो पोस्ट के लेके जमके बवाल मचल बा। भाजपा नेता शहजाद पूनावाला कहलें कि भाजपा के मंडी से लोकसभा टिकट पावे वाली अभिनेत्री कंगना रनौत पs सुप्रिया श्रीनेत विवादित टिप्पणी आ पोस्टरबाजी कइले बाड़ी। हालांकि, कांग्रेस नेता सुप्रिया श्रीनेत के दावा बा कि उनका नाम से सोशल मीडिया में कइयन गो पैरोडी अकाउंट बा, जवना से अइसन घिनौनी हरकत कइल गइल बा। एह बीच, राष्ट्रीय महिला आयोग हिमाचल प्रदेश के मंडी से भाजपा उम्मीदवार कंगना रनौत पs कांग्रेस नेता सुप्रिया श्रीनेत के पोस्ट ममिला पs चुनाव आयोग के एगो पत्र लिखी।
हमरा नाम पs कइयन गो फर्जी अकाउंट चल रहल बा- सुप्रिया श्रीनेत
कांग्रेस नेता सुप्रिया श्रीनेत सोशल मीडिया एक्स पs एगो पोस्ट साझा करत कहली कि जवन लोग हमरा बहुते करीब रहल बा भा हमरा संगे साथ काम कइले बा, ओह लोगन के पता बा कि हम कवनो महिला खातिर अइसन विवादित बयान नइखी दे सकत। ऊ पोस्ट में दावा कइले बाड़ी कि हमरा नाम से कइयन गो पैरोडी अकाउंट बनावल गइल बा। पोस्ट में ऊ लिखलें कि हमरा अभी पता चलल कि सोशल मीडिया पोस्ट पs हमरा नाम के कइयन गो पैरोडी अकाउंट चल रहल बा, जवना के दुरुपयोग फर्जी पोस्ट करे खातिर कइल जा रहल बा। ऊ पोस्ट में लिखली कि
ऊ पोस्ट में लिखली कि @Supriyaparody नाम से एगो अकाउंट चलावल जा रहल बा, जहां से कुछ अराजक तत्व एह घृणित कृत्य के अंजाम दिहल लो। हालांकि, हम आरोपियन के खिलाफ रिपोर्ट लिखा देले बानी।
गौर करे आला बात बा कि भाजपा बीतल अतवार के लोकसभा चुनाव के अपना उम्मीदवारन के पांचवां सूची जारी कइले रहे। जेमे हिमाचल प्रदेश के मंडी लोकसभा सीट से अभिनेत्री कंगना रनौत के भाजपा चुनावी मैदान में उतरले बिया। जवना के बाद से सोशल मीडिया में तमाम प्रतिक्रिया सामने आइल बा। एह बीच, कांग्रेस नेता आ राष्ट्रीय प्रवक्ता सुप्रिया श्रीनेत के अकाउंट से कंगना रनौत के लेके अभद्र पोस्ट कइल गइल। जवना के चलते भाजपा आ कांग्रेस एक-दोसरा पs जमके बयानबाजी कs रहल बाड़ी सs।