कानपुर: चाकू लेके स्टेट बैंक में घुसल बदमाश, साइकिल पs सवार होके आइल, 3 लोग घायल
यूपी के कानपुर से एगो हैरानी के मामला सामने आईल बा। इहाँ साइकिल चला के आइल एगो बदमाश भारतीय स्टेट बैंक में हंगामा मचवले बा। असल में ई बदमाश चाकू लेके बैंक के भीतर घुसल आ सुरक्षा गार्ड से झगड़ा हो गइल.
पूरा बात का बा?
पुलिस के कहनाम बा कि, सबेरे 10:45 बजे घाटमपुर थाना में सूचना मिलल कि एगो बदमाश चाकू लेके पतारा SBI Bank में घुस गईल अवुरी सुरक्षा गार्ड से झड़प भईल। बदमाश के सुरक्षा गार्ड के सामना करत देख शाखा प्रबंधक अवुरी कैशियर भी बदमाश के रोके खातीर लड़ाई लड़ले।
चाकू के चलते प्रबंधक, कैशियर अवुरी सुरक्षाकर्मी के मामूली चोट आईल बा। हमला करे वाला अपराधी भी घायल हो चुकल बा। ओकरा से एगो पिस्तौल भी मिलल बा। अबे तक बदमाश के पहचान नईखे भईल। सभे घाही के इलाज खातीर सीएचसी भेज दिहल गईल बा। मौका पs एसीपी घाटमपुर, थाना प्रभारी घाटमपुर, थाना प्रभारी बिधनू मय पुलिस बल मौजूद बा। शांति व्यवस्था कायम बा।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन