फिल्म 'किल' ओपनिंग डे पs कइलस एतना कलेक्शन, बॉक्स ऑफिस पs पहिलका दिने भइल अइसन हाल!

करण जौहर आ गुनीत मोंगा के सह-निर्माण आ निखिल नागेश भट्ट के एक्शन थ्रिलर फिल्म ‘किल’ बॉक्स ऑफिस पs बढ़िया शुरुआत कइले बिया. राघव जुयाल, तान्या मानिकतला आ लक्ष्य लालवानी के फिलिम ‘किल’ 5 जुलाई 2024 के सिनेमाघरन में रिलीज भइल बा. अइसना में ‘किल’ के पहिला दिन के बॉक्स ऑफिस कलेक्शन रिपोर्ट सामने आइल बा. एह सिनेमा के कमाई उमेद से बढ़िया भइल बा.  एह फिलिम के समीक्षकन के बढ़िया प्रतिक्रिया मिलल बा. अइसना में बताईं कि ई सिनेमा अपना पहिला दिने केतना बिजनेस कइले बा.

पहिला दिन के कमाई किल

सैकनिल्क के मुताबिक, भारत के बॉक्स ऑफिस पs शुक के फिल्म 'किल' के कमाई 1.25 करोड़ रुपया से जादे भईल। एह फिलिम के उमेद से बहुते बढ़िया कलेक्शन मिलल बा. लक्ष्या एह फिलिम से बॉलीवुड में प्रवेश कइले बाड़ी. कम बजट में बनल ई एक्शन थ्रिलर फिलिम जनता में बहुते धूम मचवले रहुवे जबकि निर्माता लोग के उमेद बा कि ‘किल’ के कमाई वीकेंड पs बढ़ सकेला.

किल फिल्म के ऑक्यूपेंसी

बियफे 05 जुलाई के एह फिलिम के हिंदी में 12.28% ऑक्यूपेंसी देखे के मिलल बा. इहाँ देखीं कि फिल्म खातिर कवना शो में केतना ऑक्यूपेंसी रहल बा.

*सुबेरे के शो: 6.33%

*दुपहरिया के शो: 11.65%

*सांझ के शो: 11.67%

*रात के शो: 19.48%

फिल्म ‘किल’ के बारे में

लक्ष्य लालवानी ‘किल’ से बॉलीवुड में डेब्यू कइले बाड़न. फिल्म के कहानी एगो हत्या के साजिश पs आधारित बा। राघव जुयाल के अलावे एह फिलिम ‘किल’ में आशीष विद्यार्थी, हर्ष छाया आ तान्या मानिकतला समेत बहुते मशहूर कलाकार बाड़े.  एह फिलिम के निर्माता करण जौहर आ गुनीत मोंगा हउवें जिनका के डॉक्यूमेंट्री फिल्म एलिफेंट व्हीस्पर्स खातिर ऑस्कर मिलल बा. बता दीं कि फिल्म ‘किल’ के एक्शन ना खाली कई मायने में दोसरा फिलिमन से अलग बा बलुक रॉ आ रियल भी लउकत बा.