मखाना आ मूंगफली के इs रेसिपी वजन घटावे में हs फायदेमंद, जानीं झटपट नाश्ता में कईसे बनाई?

अगर राउर वजन बढ़ गईल बा, तs एकरा के कम करे खातीर व्यायाम के संगे निमन आहार के पालन करे के चाही। रउरा हमेशा आपन सबेरे के शुरुआत हेल्दी नाश्ता से करे के चाही। वजन कम करे खातिर मखाना के ई रेसिपी अपना नाश्ता में शामिल करीं एह मसालेदार नाश्ता के रेसिपी बनावे खातिर मखाना, घी आ मूंगफली के जरूरत पड़ी। कैलोरी कम अवुरी प्रोटीन अवुरी एंटीऑक्सीडेंट के मात्रा जादा होखेवाला मखाना आपके लंबा समय ले पेट भरल महसूस करावेला, प्रोटीन अवुरी स्वस्थ वसा से भरपूर मूंगफली भूख के कम करे में भी मदद करेला। घी के इस्तेमाल से स्वस्थ वसा मिलेला, जवन कि स्वास्थ्य खातीर जरूरी होखेला अवुरी आपके लंबा समय ले भरल रखल वजन घटावे में मदद कs सकता। तs, आईं हमनी के जान लीं कि ई नाश्ता के रेसिपी जल्दी से कइसे बनावल जई?

मखाना चाट खातीर सामग्री

1 कप मखाना, 1/4 कप मूंगफली (बिना नमक वाला आ भुनल), 1 बड़ चम्मच घी, आधा चम्मच हल्दी पाउडर, आधा चम्मच लाल मिर्चा पाउडर, आधा चम्मच चाट मसाला, आधा चम्मच जीरा पाउडर, स्वादानुसार नमक, मुट्ठी भर करी पत्ता

मखाना चाट कईसे बनावल जाला? 

*मध्यम आंच पs कड़ाही में घी गरम करीं। कड़ाही में मखाना डाल के कुरकुरा होखे ले भूनी। जब सोनहला हो जाई तs कड़ाही से मखाना निकाल के एक तरफ रख दीं। ओही कड़ाही में मूंगफली डाल के सुनहरा भूरा होखे ले भूनी। कड़ाही से मूंगफली निकाल के एक तरफ रख दीं।]

*अब ओही कड़ाही में आधा चम्मच घी डाल के जीरा, करी के पत्ता डाल के एक मिनट ले भूनी। आग के लौ कम कs के हल्दी पाउडर, लाल मिर्चा पाउडर अवुरी नमक डाल दीं। बढ़िया से मिला लीं। अब भुनाइल मखाना आ मूंगफली के फेरु से कड़ाही में डाल दीं।

*सभ सामग्री के एक संगे मिला लीं ताकि मखाना अवुरी मूंगफली पs मसाला के संगे बढ़िया से लिपट जाए। मिश्रण के ऊपर चाट मसाला छिड़क के फेर से मिला लीं. बचे वाला चीज़ के एयर टाइट बर्तन में स्टोर करीं ताकि उs कुरकुरा रहे।