रेसपी: विंटर खातीर परफेक्ट रेसिपी चटक स्वाद वाला राजस्थानी लहसुन के चटनी , खाते खोल दी कुल्ही टेस्ट बड्स

खाना के स्वाद बढ़ावे खातिर लोग सैयद डिश में चटनी अवुरी अचार के भरपूर सेवन करेले। चटनी एगो साइड डिश हs जवन हर घर में बनावल जाला। धनिया, टमाटर अवुरी पुदीना के चटनी के स्वाद देवे में लहसुन के अहम भूमिका होखेला। बाकिर का रउवा कबो लहसुन के चटनी खईले बानी? राजस्थान में लोग बहुत सौख से लहसुन आ मरिचा के चटनी खाला। उहाँ बाजरा आ चना के आटा के रोटी लहसुन लाल मरिचा के चटनी के साथे खाइल जाला। एकरा अलावे जब चटनी के पकौड़ा, पराठा अवुरी पुरी के संगे खाईल जाला तs एकर स्वाद दुगुना हो जाला। तs आईं आज जानीं जा bकि राजस्थानी अंदाज में मरिचा लहसुन के लाल चटनी के रेसिपी कइसे आसानी से बनावल जा सकेला?

लहसुन के चटनी बनावे खातीर सामग्री

20-25 लहसुन के कली, लाल मरिचा 2 चम्मच, 2 चम्मच धनिया पाउडर,तेल, चुटकीभर हल्दी, पानी- 1कप, आधा चम्मच जीरा, आधा चम्मच राई, एक चम्मच नींबू के रस, स्वादानुसार नमक, कसूरी मेथी, हरिहर धनिया पतइ.

लहसुन के चटनी बनावे के रेसिपी

*लाल मरिचा आ लहसुन के झन्नाटेदार वाला चटनी बनावे खातिर पहिले 20-25 लहसुन के कली के बढ़िया से कुच लीं। अब एगो बड़ कटोरी लेके ओकरा में कसाइल लहसुन डाल दीं। अब एकरा में 2 चम्मच लाल मरिचा, 2 चम्मच धनिया पाउडर, एक चुटकी हल्दी अवुरी स्वाद के मुताबिक नमक डाल दीं। एकरा के बढ़िया से मिला लीं आ ओकरा बाद एकरा में एक कप पानी डाल दीं।

*अब गैस चालू कs के ओकरा पs एगो पैन रख के ओकरा में 2 चम्मच तेल डाल दीं। जब तेल गरम हो जाव तs ओकरा के आधा चम्मच जीरा, आधा चम्मच सरसों से तड़का करीं आ ओकरा बाद ओकरा में लहसुन के पेस्ट डाल के एक कप पानी डाल के मध्यम आंच पs उबले दी. जब हल्का उबलल शुरू हो जाव तs गैस बंद कs के ठंडा होखे के इंतजार करीं।

*अंत में गैस बंद कs के नींबू के रस, कसूरी मेथी अवुरी हरियर धनिया डाल दीं। बाजरा के रोटी, चना के आटा के रोटी अवुरी राजस्थानी दाल बाटी के संगे खाए के लहसुन के चटनी तैयार हो गईल बा।

इहो पढ़ीं: सबेरे-सबेरे: बइठले-बइठले कंधा में होखे लागेला जकड़न तs कs के देखीं इs 3 गो योगासन