Lok Sabha Election: 'अब कैराना से पलायन ना, अपराधियन के राम नाम सत्य होला', सीएम योगी सपा पऽ कसले तंज
सूबे के मुख्यमंत्री चुनावी रैली के संबोधित कइले। कहले शामली में परिवर्तन के बयार देखाई देता। ई देश आ प्रदेश खातिर नया संदेश बा। किसानन के साधत कहले कि पूर्व सरकार कबो चौधरी चरण सिंह के सम्मान ना कइलस। भाजपा उनका के भारत रत्न देलस कवन सब किसानन खातिर सम्मान बा।
मुख्यमंत्री योगी आदित्यनाथ कहले कि अब कैराना से पलायन नइखे, बल्कि अपराधियन के राम नाम सत्य होला। प्रदेश में व्यापारियन के साथे बहन- बेटी पूरा तरह से सुरक्षित बाड़ी। कहीं डर के माहौल नइखे। स्थित ई बस कि अब गुंडा-बदमाशन के सात पीढ़ी अपराध करे से पहिले कई बेर सोंची। शामली के विकास हो रहल बा। कहीं माल तऽ कहीं शापिंग कांप्लेक्स बन रहल बा।
मंगर के दुपहरिया 3:15 बजे शामली के माजरा रोड स्थित वीवी डिग्री कालेज के मैदान पऽ भाजपा-रालोद गठबंधन के प्रत्याशी प्रदीप चौधरी खातिर जनसभा के संबोधित करे मुख्यमंत्री योगी आदित्यनाथ पहुंचले। उऽ भाषण के शुरुआत भारत माता के जय आ वंदे मातरम से कइले।
बेटीयन के कइले रहले सम्मानित
सीएम कहले, पिछला दिनन में स्थानीय व्यापारियन से बातचीत भइल रहे, उऽ लोग बतावल कि अब अमन-चैन बा। हर कोई सुरक्षित महसूस करऽता। जिला के बेटियन के डंका पूरा देश में बजत बा। पिछले वर्ष इहाँ के बेटी सीबीएसई में टॉप कइले रहे, तऽ ओकरा के लखनऊ में बोला के सम्मानित कइले रही।
जहां नल बा उहाँ तऽ कमल खिलबे करी
कांग्रेस, सपा आ बसपा पर तंज कसत कहले कि पहले कर्फ्यू लागत रहे, अब ना लागेला। गलत सरकार तऽ गलत लोगन के साथ देत रहे। पहिले गुंडा-बदमाशन के लखनऊ में सम्मान होत रहे, अब उऽ लोग सही जगे भेजाता। उऽ गठबंधन के जिक्र करत कहले कि, जहां नल बा उहाँ तऽ कमल खिलबे करी। लोकतंत्र में जाति-पाति से उठके बिना भेदभाव के वोट करे के बा।
सपा पऽ कइले तीखा कटाक्ष
भाषण के दौरान मुख्यमंत्री सपा पऽ तीखा कटाक्ष करत कहले कि समाजवादी पार्टी के का कहल जाव, उऽ तऽ माफिया-अपराधियन के मरे पऽ फतिया पढ़े खातिर जात रहे। ए लोगन के फतिहा पढ़ा दऽ तू लोग। तोहरा लो के एगो वोट सही जगे पहुंचा दी। कैरानावासियन के जवन लोग पलायन खातिर मजबूर कइलस हम उऽ लोगन के धरतीए पलायन कर देनी। अब इहाँ केहू पलायन नइखे करा सकत।
