Lok Sabha Elections 2024 : "मतदान के नया रिकार्ड बनाईं : पांचवा चरण के मतदान से पहिले पीएम मोदी के अपील

प्रधानमंत्री नरेंद्र मोदी सोशल मीडिया प एगो पोस्ट शेयर कइले बाड़न, जवना में जनता से वोट देवे के अपील कइले बाड़न ।

लोकसभा चुनाव 2024 : 6 राज्य आ दु केंद्र शासित प्रदेश के 49 लोकसभा सीट प आज पांचवा चरण के मतदान हो रहल बा। एहमें महाराष्ट्र के 13, उत्तर प्रदेश के 14, पश्चिम बंगाल के 7, बिहार के 5, झारखंड के 3, ओडिशा के 5 आ जम्मू-कश्मीर आ लद्दाख के एक-एक सीट शामिल बा। एही बीच प्रधानमंत्री नरेंद्र मोदी भी सोशल मीडिया प एगो पोस्ट शेयर क जनता से वोट देवे के अपील कइले बाड़न।

अपना पोस्ट में पीएम मोदी लिखले कि, "लोकसभा चुनाव के पांचवा चरण में 8 राज्य आ केंद्र शासित प्रदेश के 49 सीट प आज मतदान होई। हम ए चरण के सभ मतदाता से निहोरा करतानी कि उ लोग आपन वोट डालस आ नाया चरण खातीर रजिस्ट्रेशन करावस।" वोट रिकार्ड बनावे के बा ।

लोकसभा चुनाव के पांचवें चरण में आज 8 राज्यों और केंद्रशासित प्रदेशों की 49 सीटों के लिए वोट डाले जाएंगे। इस चरण के सभी मतदाताओं से मेरा अनुरोध है कि वे अपना वोट जरूर डालें और मतदान का एक नया रिकॉर्ड बनाएं। महिला और युवा वोटरों से मेरी यह विशेष अपील है कि लोकतंत्र के इस महोत्सव…

— Narendra Modi (@narendramodi) May 20, 2024

बता दीं कि एह चरण में रायबरेली आ अमेठी जइसन दू गो हाई प्रोफाइल सीट पs भी मतदान होखी । बता दीं कि कांग्रेस के पूर्व अध्यक्ष राहुल गांधी रायबरेली से मैदान में बाड़े आ अमेठी से केंद्रीय मंत्री स्मृति ईरानी मैदान में बाड़ी।

पांचवा चरण में जवना सीट प मतदान होई, ओहमे से चालीस से जादे सीट राष्ट्रीय जनतांत्रिक गठबंधन (राजग) के संगे रहे। पांचवा चरण में 4.26 करोड़ महिला आ 5,409 'तीसरा लिंग' मतदाता समेत 8.95 करोड़ से जादे लोग मतदान के पात्र बाड़े आ 94,732 मतदान केंद्र प 9.47 लाख मतदान अधिकारी के तैनाती कइल गइल बा।

गौरतलब बा कि एकरा बाद छठवाँ आ सातवाँ चरण के मतदान के आयोजन 25 मई आ ओकरा बाद 1 जून के कइल जाई । एकरा बाद 4 जून के वोट के गिनती होई।