यूपी में 12वीं ले के विद्यार्थियन खातीर आइल नया नियम, बिना एs नंबर के नाहीं मिली छात्रवृत्ति आ टीसी
अब कक्षा एक से लेके इंटरमीडिएट ले के छात्र खातीर पर्सनल एजुकेशन नंबर (पैन) अनिवार्य कs दिहल गईल बा। केंद्रीय शिक्षा मंत्रालय के निर्देश के राज्य में लागू करे के आदेश जारी कईल गईल बा।
स्कूल शिक्षा महानिदेशालय के ओर से सब जिला के बेसिक एजुकेशन ऑफिसर (बीएसए) अवुरी जिला विद्यालय निरीक्षक (डीआईओएस) के एकरा के बनावे खातीर निर्देश दिहल गईल बा। बिना पेन के कवनो प्रकार के शैक्षिक सरकारी रिकॉर्ड में छात्र के गिनती ना हो पाई।
छात्र सरकारी योजना से वंचित हो जइहें
शैक्षिक सरकारी अभिलेख में नाम ना रहला के चलते छात्र के स्थानांतरण प्रमाणपत्र (टीसी) ना मिल पाई। एतने ना, छात्रवृत्ति अवुरी बाकी सरकारी योजना के लाभ से भी उs लोग वंचित हो जईहे।
एतने ना सरकारी प्रतियोगी परीक्षा आ मान्यता प्राप्त स्कूल में भी रजिस्ट्रेशन संभव ना होई। अयीसना में सरकारी स्कूल, अशासकीय सहायता प्राप्त स्कूल अवुरी निजी स्कूल के छात्र खातीर इs बहुत जरूरी बा।
सब जिला के बीएसए के दिहल निर्देश
दूसर ओर बेसिक एजुकेशन विभाग के ओर से सभ जिला के बीएसए के निर्देश दिहल गईल बा कि यू-डायस प्लस पोर्टल पs प्रोफाइल अपडेट कs परिषदीय स्कूल में पढ़े वाला 1.96 करोड़ छात्र के पेन बनावल जाए।
एकरा के सामान्य प्रोफाइल, नामांकन प्रोफाइल अवुरी फैसिलिटी प्रोफाइल दर्ज कईला पs पोर्टल के माध्यम से आवंटित कईल जाई। नया शैक्षणिक सत्र से टीसी खाली ट्रांसफर सर्टिफिकेट मॉड्यूल के माध्यम से जारी कईल जाई।