महाकुंभ 2025: कब आ कहां लागी मेला? कब-कब बा शाही स्नान, तारीख नोट कs ली
महा कुंभ मेला भारत में ना बलुक पूरा दुनिया में लोकप्रिय बा आ ई मेला बारह साल में एक बेर लागेला. महा कुंभ मेला साल 2025 में होखे वाला बा, ओकरा पहिले ई महा कुंभ मेला 2013 में होखे वाला रहे। धार्मिक मान्यता के अनुसार महाकुंभ में शाही स्नान कईला से सब पाप से मुक्ति हो जाला। हर बेर भारत के चार गो पवित्र नदी आ चार गो तीर्थ स्थल पs ही कुंभ मेला के आयोजन होला बाकिर महाकुंभ मेला के आयोजन खाली प्रयागराज, नासिक, हरिद्वार आ उज्जैन में होला. 12 साल बाद महा कुंभ मेला के आयोजन होखे जा रहल बा। महाकुंभ से जुड़ल बहुत खास बात बा, बाकिर सबसे पहिले बता दी कि 2025 में महाकुंभ कब आ कहाँ होई।
साल 2025 में महा कुंभ मेला 13 जनवरी 2025 के पौष पूर्णिमा के दिन से शुरू होई आ ई कुंभ मेला 26 फरवरी 2025 के महाशिवरात्रि के समापन होई। 12 साल बाद प्रयागराज में महाकुंभ के आयोजन होखे जा रहल बा। एकरा से पहिले साल 2013 में ही प्रयागराज में महा कुंभ मेला के आयोजन भइल रहे। कुंभ मेला में नागा साधू भी पहुंचेले, जे मेला के खास केंद्र बिंदु होखेले।
महाकुंभ 2025 के शाही स्नान के तारीख
पौष पूर्णिमा – 13 जनवरी 2025
मकर संक्रांति – 14 जनवरी 2025
मौनी अमावस्या – 29 जनवरी 2025
बसंत पंचमी – 3 फरवरी 2025
माघ पूर्णिमा – 12 फरवरी 2025
महाशिवरात्रि – 26 फरवरी 2025
कुंभ मेला कहाँ-कहाँ होला?
प्रयागराज – जब भगवान बृहस्पति वृषभ राशि में होखेले अवुरी सूर्य मकर राशि में होखेले, तब प्रयागराज में कुंभ मेला के आयोजन होखेला।
हरिद्वार – जब सूर्य भगवान मेष राशि में आ बृहस्पति कुंभ राशि में होखे तs हरिद्वार में कुंभ मेला के आयोजन होला।
नासिक – सिंह राशि में जब सूर्य भगवान आ बृहस्पति भगवान दुनों मौजूद होलें तs महाराष्ट्र के नासिक में कुंभ मेला के आयोजन होला।
उज्जैन – कुंभ मेला उज्जैन में तब होला जब बृहस्पति सिंह राशि में होखेले आ सूर्य मेष राशि में होखेले।
यूपी परिवहन निगम कइलस खास तैयारी
यूपी परिवहन निगम दिव्य, भव्य आ ग्रीन महाकुंभ मेला-2025 के सफल आयोजन खातीर सात हजार बसन के संचालित करी।
महिला अवुरी बुजुर्ग तीर्थयात्री के विशेष सुविधा देवे के योजना बनावल गईल बा।
महाकुंभ 2025 के दौरान लगभग 6800 परिवहन बस आ लगभग 200 वातानुकूलित बस चलावे के योजना बा।
महा कुंभ मेला 2025 के दौरान मुख्य स्नान 13 जनवरी से 26 फरवरी 2025 के बीच पड़ रहल बा, जवना में मौनी अमावस्या के राजस्नान 29 जनवरी के बा आ बसंत पंचमी के राजस्नान 3 फरवरी 2025 के बा।
