महायोगी गोरखनाथ विश्वविद्यालय के मिलल नया कुलपति: डॉ. सुरिंदर सिंह से बदलाव आ प्रगति के उम्मीद
महायोगी गोरखनाथ विश्वविद्यालय के नया नेतृत्व मिलल बा। जेएसएस एकेडमी ऑफ हायर एजुकेशन एंड रिसर्च (जेएसएस एएचईआर), मैसूर के पूर्व कुलपति डॉ. सुरिंदर सिंह के गोरखनाथ विश्वविद्यालय के नया कुलपति नियुक्त कइल गइल बा।
उत्तर प्रदेश के सीएम आ विश्वविद्यालय के कुलाधिपति योगी आदित्यनाथ उनका नाम के घोषणा कइले बाड़ें। 14 नवंबर से ऊ वर्तमान कुलपति मेजर जनरल डॉ. अतुल वाजपेयी के स्थान लिहें, जिनका कार्यकाल में विश्वविद्यालय कइयन गो उपलब्धि हासिल कइले बा।
डॉ. सुरिंदर सिंह के डिस्टिंग्विश्ड करिअर आ गहिराह अनुभव
डॉ. सुरिंदर सिंह के करिअर अनगिनत उपलब्धियन से भरल बा। MBBS आ MD होल्डर डॉ. सिंह हाले में जेएसएस एएचईआर में आपन कुलपति कार्यकाल पूरा कइलें। एकरा अलावे, ऊ इंडिया के ड्रग कंट्रोलर जनरल, नेशनल इंस्टीट्यूट ऑफ बॉयोलॉजिकल्स के डायरेक्टर आ सेंट्रल ड्रग लैब में एडिशनल डायरेक्टर जइसन कइयन गो महत्वपूर्ण पद पs रह चुकल बाड़ें। सरदार पटेल मेडिकल कॉलेज, बीकानेर से लेके एम्स, दिल्ली तक, उनकर जोगदान के मेडिकल आ फार्मा इंडस्ट्री में सराहल गइल बा।
फार्मा आ रिसर्च में डॉ. सिंह के वैश्विक पहचान
डॉ. सिंह के लीडरशिप में जेएसएस एएचईआर इंडिया के टॉप 25 विश्विद्यालयन में आपन जगह बनवलस आ 5 सालन में 55 करोड़ रुपिया के रिसर्च ग्रांटो हासिल कइलस।
फार्मा इंडस्ट्री में उनकर ग्लोबल इन्फ्लुएंस के वजह से उनका लगातार तीन साल “मोस्ट इंफ्लुएंशल पीपल” के लिस्ट में जगह मिलल। एकरा अलावे, ऊ फार्मा बायो वर्ल्ड अवार्ड, डॉ. बीसी राय मेमोरियल अवार्ड आ “टॉप 20 वाइस चांसलर ऑफ इंडिया” जइसन प्रेस्टिजियस अवॉर्ड्स से सम्मानित हो चुकल बाड़ें।
मेजर जनरल डॉ. अतुल वाजपेयी के यादगार कार्यकाल
विश्वविद्यालय के पहिला कुलपति मेजर जनरल डॉ. अतुल वाजपेयी के जोगदान सराहनीय रहल बा। उनका कार्यकाल में विश्वविद्यालय में MBBS, बीएएमएस जइसन पाठ्यक्रमन के सुरुआत भइल आ लगभग तीन दर्जन नैशनल आ इंटरनैशनल इंस्टीट्यूशंस के संगे एमओयू साइन कइल गइल।
डॉ. वाजपेयी डॉ. सुरिंदर सिंह के नियुक्ति पs खुसी जाहिर करत सीएम योगी आदित्यनाथ के आभार व्यक्त कइलें आ कहलें, “डॉ. सुरिंदर सिंह के अनुभव आ उपलब्धि विश्वविद्यालय के नया उंचाई पs ले जाई।”
गोरखपुर के विश्वविद्यालय खातिर एगो नया सुरुआत
डॉ. सुरिंदर सिंह के नियुक्ति के संगे महायोगी गोरखनाथ विश्वविद्यालय एगो नया दौर में डेग रख रहल बा। उम्मीद बा कि उनका लीडरशिप में ई विश्वविद्यालय शिक्षा आ रिसर्च के क्षेत्र में नया उपलब्धि हासिल करी।