बलिया में दर्दनाक हादसा: बिहार पुलिस के जवानन से भरल बस पलटल, 30 घायल

मंगल के आधा रात के बैरिया-छपरा के बीच चांददियर थाना के नजदीक बिहार स्पेशल आर्म्स पुलिस 18वीं बटालियन के जवान से भरल बस बेकाबू होके सड़क के किनारे पलट गईल। एs दुर्घटना में करीब 30 जवान घाही हो गईले। बस में फंसल जवान के चीख सुन के पुलिस चौकी में तैनात जवान मौका पs भाग गईले।

उs लोग सभे घाही के बस से निकाल लेले। घटना के बारे में उच्च अधिकारी के जानकारी दिहला के बाद सभ घाही के इलाज खातीर सोनबरसा सीएचसी भेज दिहल गईल। जहां प्राथमिक चिकित्सा के बाद डॉक्टर उनुका के जिला अस्पताल रेफर कs देले। चार घायल के जिला अस्पताल से वाराणसी रेफर कs दिहल गईल। बाकी लोग के इलाज खातीर भर्ती करावल गईल। एसपी विक्रांत वीर अस्पताल पहुंच के घाही के इलाज के इंतजाम कईले।

बिहार के डुमरांव के फोर्स डेहरी रोहतास जिला में तैनात रहे। छठ पर्व पs सिवान में 81 जवान ड्यूटी पs रहे। मंगल के दुपहरिया में 81 जवान दु निजी बस से सिवान खातीर रवाना भईले। एगो बस में 46 लोग रहले, जवना में सिवान के दुगो होमगार्ड अवुरी ड्राइवर अवुरी कंडक्टर शामिल रहले।

रात के 12.30 बजे चंददीयर थाना चौकी अवुरी पेट्रोल पंप के नजदीक जवान से भरल बस बेकाबू होके सड़क के किनारे पानी से भरल खेत में गिर गईल। रात में गहिराह सुतल जवान अचानक चिल्लाए लगले जब बस पलट गईल। कुछ सिपाही सीसा तूड़ के बाहर निकलले। आवाज सुन के पास के चौकी पs तैनात पुलिसकर्मी मौका पs पहुंच गईले।

थाना के फोन करे अवुरी फोर्स के फोन करे के संगे घाही जवान के इलाज खातीर एम्बुलेंस अवुरी निजी साधना से सोनबरसा भेजल गईल। इहाँ प्राथमिक चिकित्सा के बाद घाही के जिला अस्पताल रेफर कs दिहल गईल। चार जने के हालत गंभीर हो गइल तs ओह लोग के वाराणसी रेफर कs दिहल गइल.