सिद्धार्थनगर में बड़ हादसा, साइकिल सवार के बचवले के चक्कर में पलटल बस, 3 गो के मउत
यूपी के सिद्धार्थनगर जिला में बियफे के साँझ करीब छह बजे एगो बड़हन हादसा हो गइल. एह हादसा में 3 लोग के मउत हो गईल। एही बीच 22 लोग घायल हो चुकल बाड़े। दू गो घायलन के हालत गंभीर बनल बा. गंभीर रूप से घाही दुनो लोग के जिला अस्पताल रेफर कs दिहल गईल। घटना शुक के सांझ के करीब 6 बजे भईल। करीब 53 श्रद्धालु से भरल बलरामपुर के देवीपाटन मंदिर से सिद्धार्थनगर आवत रहे। चरिगहवा नाली के लगे एगो साइकिल सवार के बचावे के कोशिश में बस बेकाबू होके नाली में गिर गईल।
दुर्घटना के बाद आक्रोश मच गईल। पास के लोग तुरंत प्रशासन के सूचना देले। एकरा संगे उs लोग बचाव के काम करे लगले। कुछ समय बाद पुलिस टीम पहुंचल अवुरी बस के नाली से बहरी निकाले खातीर क्रेन के आह्वान कईलस। एह हादसा में साइकिल सवार 50 साल के मंगनीराम अवुरी बस के भीतर बईठल 14 साल के अजय शर्मा अवुरी 65 साल के गामा के मउत हो गईल।
दुगो घाही के हालत गंभीर
एह हादसा में 22 लोग घायल हो चुकल बाड़े, जेकर इलाज गंभीर हालत में पीएचसी में हो रहल बा। दू जने के जिला अस्पताल रेफर कs दिहल गइल बा. एs दुर्घटना के बारे में एसपी प्राची सिंह बतवले कि पुलिस के सांझ के 6 बजे दुर्घटना के बारे में जानकारी मिलल। तुरंत पुलिस बल मौका प पहुंच के बचाव अभियान शुरू क देलस अवुरी बस के बाहर निकाल देलस। एह घटना में 3 लोग के मउत हो चुकल बा। बाकी घाही लोग के अस्पताल में इलाज चल रहल बा। एही बीच डीएम राजा गणपति आर बतवले कि एs दुर्घटना में 22 लोग घाही हो गईले। साइकिल सवार के बचावे के दौरान भईल इs घटना। जांच के बाद पूरा जानकारी मिल जाई।