कब आ कहां होई मनमोहन सिंह के अंतिम संस्कार

पूर्व प्रधानमंत्री डॉ. मनमोहन सिंह के पार्थिव शरीर दिल्ली के मोतीलाल नेहरू मार्ग स्थित उनुका आवास पs राखल गईल बा।  काल्हु रात एम्स से उनुकर पार्थिव शरीर एहिजा ले आवल गइल.  अब आजु उनकर पार्थिव शरीर के अंतिम दर्शन खातिर राखल जाई जहाँ विशेष लोग के साथे आम लोग भी उनका के श्रद्धांजलि दे सकेला।  पूर्व पीएम के अंतिम संस्कार काल्ह हो सकता।  एकर औपचारिक एलान आजु कांग्रेस करी.  उनुकर अंतिम संस्कार पूरा राज्य सम्मान के संगे कईल जाई।  केंद्र सरकार पूर्व पीएम के निधन पs सात दिन के राष्ट्रीय शोक के घोषणा कईले बिया।  एह दौरान सगरी सरकारी संस्थानन में तिरंगा आधा झुकल रही.

बियफ़ें के रात दिल्ली के एम्स में 92 साल के उमर में पूर्व प्रधानमंत्री मनमोहन सिंह आपन आखिरी सांस लेहले।  मनमोहन सिंह के स्वास्थ्य अचानक बिगड़ला के बाद दिल्ली एम्स के इमरजेंसी में भर्ती करावल गईल।  उs दु बेर प्रधानमंत्री के रूप में काम कईले रहले।

आखिरी संस्कार कहाँ हो सकेला?

देश के पूर्व प्रधानमंत्री के अंतिम संस्कार दिल्ली के विशेष स्मारक स्थल पs कईल जाला, जईसे कि जवाहर लाल नेहरू, इंदिरा गांधी अवुरी राजीव गांधी के अंतिम संस्कार राजघाट परिसर में भईल।  साथही कई गो पूर्व प्रधानमंत्री लोग खातिर समाधि स्थल भी बनावल जाला।  हालांकि अंतिम संस्कार के तरीका मरेवाला आदमी अवुरी ओकरा परिवार के धार्मिक मान्यता पs निर्भर करेला।

आमतौर पs पूर्व प्रधानमंत्री के अंतिम संस्कार दिल्ली में होखेला, बाकिर बहुत मामला में इs प्रक्रिया संबंधित व्यक्ति के गृह राज्य में भी हो सकता।  उनुका अंतिम संस्कार में देश के राष्ट्रपति, उपराष्ट्रपति, प्रधानमंत्री, कैबिनेट मंत्री अवुरी बाकी गणमान्य लोग मौजूद होले.

केंद्रीय मंत्रिमंडल के बैठक सुबह 11 बजे
आजु सबेरे 11 बजे केंद्रीय मंत्रिमंडल के बइठक होखी जवना में पूर्व पीएम मनमोहन सिंह के श्रद्धांजलि दिहल जाई.  सरकार आजु के सगरी कार्यक्रम रद्द कs दिहले बिया.  कांग्रेस बेलगावी में हो रहल सीडब्ल्यूसी के विशेष बइठक रद्द कs दिहले बिया आ सगरी नेता दिल्ली चहुँपत बाड़े.

इहो पढ़ीं: 90 साल के भइलें पूर्व प्रधानमंत्री मनमोहन सिंह, पीएम मोदी अउरी राहुल गांधी देहलें बधाई