ईरान के कोयला खदान में जबरदस्त धमाका, 30 लोग के मौत आ 17 घायल

ईरानी सरकारी टेलीविजन बतवलस कि पूर्वी ईरान के एगो खदान में भइल विस्फोट में नाहियो तऽ 30 लोग के मौत हो गइल आ 17 लोग घायल हो गइले। उऽ कहले कि बहुत मजदूर के फंसला के आशंका बा। राष्ट्रपति मसूद पेजेशकियन पीड़ित परिवार के प्रति संवेदना जतवले।

ईरान के दक्षिण खोरासन प्रांत में कोयला खदान में भइल भारी गैस विस्फोट में नाहियो तऽ 30 लोग के मौत हो गइल बा आ 17 लोग धायल हो गइले। ईरान के सरकारी टेलीविजन एतवार के दिने खबर दिहलस कि अबहीं ले 24 लोग लापता बा।

सरकारी टीवी के अनुसार मदनजू कंपनी के ओर से संचालित खदान के दु ब्लॉक में मीथेन गैस के विस्फोट के चलते दुर्घटना भइल बा, जवना में विस्फोट के समय दुनो प्रखंड में 69 मजदूर मौजूद रहले। सरकारी मीडिया में बतावल गइल बा कि शनिचर के दिने स्थानीय समय के अनुसार रात नौ बजे विस्फोट भइल बा।