चीन में रेतीला तूफान मचइलस कहर, कई जगहन पs उठल रेत के बवंडर, कम भइल विजिबिलिटी
चीन पs प्राकृतिक आपदा के असर पड़ रहल बा। बालू के तूफान इहाँ तबाही मचवले बा। चीन के शिनजियांग प्रांत में लोग के घर से बाहर निकलल तक मुश्किल हो गईल बा। इहाँ कई इलाका में तूफानी हवा अतना तबाही मचा दिहलस कि सबकुछ धुंधला हो गईल। सड़क पs चलेवाली गाड़ी तक ना देखाई देत रहे। बालू के तूफान के उग्रता के अंदाजा एह बात से लगावल जा सकेला कि एह हवा के चलते कई गो पेड़ जड़ के संगे उखाड़ दिहल गईल रहे। एह दौरान कुछ पेड़ भी हवा में उड़त देखल गईल। पूरा आसमान नारंगी हो गईल। बालू के तूफान के चलते शिनजियांग प्रांत के अलग-अलग हिस्सा में हजारों लोग फंस गईले। जेकरा बाद पुलिस लोग के बचा के सुरक्षित जगह पs ले गईल।
कई जगहा लोग फंस गईले
बीजिंग के सीजीटीएन न्यूज चैनल के रिपोर्ट के मुताबिक, रेत के तूफान से झिंजियांग के तुरपान में गाड़ी के नुकसान भईल, जबकि रेत के तूफान के चलते कम दृश्यता के चलते कई यात्री भी सड़क पs फंस गईले। रिपोर्ट में इहो कहल गइल बा कि 17 फरवरी के सबेरे हामी शहर धुंध से ढंकल रहे, जबकि आसमान बालू आ धूल से ढंकल रहे। झिंजियांग के अलावा शिनजियांग प्रांत के शहर, जवना में ओकर राजधानी शीआन भी शामिल बा, धूल से ढंकल रहे, जबकि गांसु प्रांत के जिउक्वान शहर में रेत के तूफान के चलते राष्ट्रीय राजमार्ग बंद हो गईल, जवना के चलते यात्री सड़क पs फंस गईले।
The biggest sandstorm in recent 20 years hit Xinjiang.😲 pic.twitter.com/h45H7tDrvt
— Sharing Travel (@TripInChina) February 18, 2024
The first sandstorm of 2024 hit Xinjiang, China yesterday..... pic.twitter.com/QS352XbUkb
— Volcaholic 🌋 (@volcaholic1) February 18, 2024
चीन के आपदा के सामना करे के पड़ता
चीन के जनता खातिर परेशानी कम होखे के कवनो संकेत नइखे लउकत। एक ओर बालू के तूफान तबाही मचवले बा, दूसरा ओर चीन के बहुत इलाकन के लोग के भारी बर्फबारी के सामना करे के पड़ता। चीन के मौसम विभाग 3 अलर्ट जारी कईले रहे। एकरा से पहिले बतावल जात रहे कि देश के कई हिस्सा में तापमान जल्दिए गिरे वाला बा। दूसरा अलर्ट में कहल गईल कि कुछ हिस्सा में भारी बर्फबारी देखाई दे सकता। तीसरा में बालू के तूफान के संभावना रहे।
