खेत में बिजली गिरले से भइल गड्ढा, अंदर से निकलल दिव्य शिवलिंग… लोग कs रहल बाड़े पूजा
गाजियाबाद के मसूरी थाना इलाका के गाँव में एह खेत के लगे लोग के भीड़ जमा हो गइल जब पता चलल कि 8 से 10 फीट गहिराह एगो गड्ढा बा जवना में एगो शिवलिंग निकलल बा. खेत के मालिक जब देखलस तs गड्ढा के भीतर एगो शिवलिंग देखाई देलस, ओकरा बाद उs बाकी गांव के लोग के एकरा बारे में जानकारी देले। खबर पूरा गांव में आग निहन फैल गईल। एकरा बाद मौका पs लोग के भारी भीड़ जुट गईल। जे एह गड्ढा में शिवलिंग के देखलस ऊ 'हर हर महादेव' बोलत रहे। गांव के लोग दावा कईले बा कि इs गड्ढा बिजली गिरला के बाद बनल बा, जवना में शिवलिंग के दर्शन भईल बा।
गाजियाबाद के मसूरी थाना क्षेत्र के गाँव मुबारीकपुर डासना इलाका में एगो प्राचीन शिवलिंग खेत में दबल मिलल बा. जानकारी के मुताबिक खेत में ही 8-10 फीट के गड्ढा रहे। जब लोग गड्ढा में ध्यान से देखलस तs शिवलिंग देखाई दिहल. गांव के लोग के मुताबिक बिजली गिरला के चलते खेत में गहिरा गड्ढा हो गईल। लोग बिजली के चलते गड्ढा में एगो शिवलिंग देखले बाड़े। गाँव के लोग के मानल बा कि ई एगो दिव्य घटना हs जवना में शिवलिंग के प्रकटीकरण भइल बा।
खेत में स्वनिर्मित गड्ढा से शिवलिंग के बाहर निकलला के बाद गांव के लोग के भीड़ मौका पs जमा हो गईल। एकरा बाद लोग खेत में बनल गड्ढा से शिवलिंग के निकाल के पूजा करे लगले। शिवलिंग के खेत से कुछ दूरी पs स्थित मंदिर में ले जाइल गइल बा जहाँ पूजा कइल गइल बा। गाँव के लोग जवना जगहा गड्ढा बनल बा ओहिजा शिव मंदिर बनावे के बात करत बाड़े.
