Weather Update: केरल में मानसून दिहलस दस्तक, अब एs राज्यन के ओर बढ़त बा; जानीं कब सुरू होई झमाझम बरखा
देश के कई राज्यन में आजुकाल्हु तपल गरमी से जूझत बा जबकि पूर्वानुमान से एक दिन पहिले केरल में दक्षिण पश्चिम मानसून चहुँप गइल बा आ धीरे धीरे पूर्वोत्तर राज्यन के ओर बढ़ रहल बा. आईएमडी के मुताबिक अगिला 24 घंटा में केरल में दक्षिण पश्चिम मानसून आवे खातीर हालात अनुकूल होई। एकरा से पहिले मौसम विभाग केरल में 31 मई ले मानसून के आवे के भविष्यवाणी कईले रहे।
दिल्ली, यूपी के का हाल बा?
ओने पिछला दिने दिल्ली एनसीआर में रुक-रुक के बरखा भइल बाकिर नौतपा में एकर असर ना लउकल. बता दीं कि आज दिल्ली में गरमी से एक आदमी के मउत हो गईल बा, केंद्र शासित प्रदेश में एs साल इs पहिला मौत बा, जवन कि गरमी के चलते भईल बा। बता दीं कि काल्हु दिल्ली में पारा 45.2 से 49.1 डिग्री सेल्सियस पार हो गइल रहे. साथे यूपी के कुछ हिस्सा में भी गरमी दबाव रहल बा। इहाँ आईएमडी यूपी, पंजाब, हरियाणा, चंडीगढ़, दिल्ली, राजस्थान, बिहार, झारखंड, ओडिशा के कुछ हिस्सा में गरमी के लहर के रेड अलर्ट जारी कईले बिया।
मानसून उम्मीद से पहिले पहुंच गईल
जानकारी देत मौसम विभाग कहलस कि अतवार के दिने पश्चिम बंगाल आ बांग्लादेश से होके गुजरल चक्रवात रेमल मानसून के बंगाल के खाड़ी के ओर खींच लिहले बा जवना के पूर्वोत्तर में मानसून के जल्दी आवे के कारण मानल जाला. विभाग के आंकड़ा के मुताबिक केरल में पछिला कुछ दिन से भारी बरखा होखता, जवना के चलते मई में सामान्य से जादे बरखा भईल बा।
आईएमडी के मुताबिक, पूर्वोत्तर राज्य (त्रिपुरा, अरुणाचल प्रदेश, नागालैंड, मेघालय, मिजोरम, मणिपुर अवुरी असम) में मानसून के आवे के सामान्य तारीख 5 जून बा अवुरी एही दौरान अरब सागर के कुछ अवुरी कोमोरिन, मालदीव, लक्षद्वीप के बाकी हिस्सा , बंगाल के दक्षिण पश्चिम आ मध्य खाड़ी, बंगाल के पूर्वोत्तर खाड़ी आ पूर्वोत्तर राज्य के कुछ हिस्सा में दक्षिण पश्चिमी मानसून के अउरी आगे बढ़े खातिर हालात अनुकूल हो रहल बा। एकरा बाद इहाँ भारी बरखा देखे के मिलेला।