Mpox Alert: केंद्र सरकार एमपॉक्स के लेके राज्यन के जारी कइलस एडवाइजरी
विश्व स्वास्थ्य संगठन के ओर से एमपीओएक्स के अंतर्राष्ट्रीय चिंता के जनस्वास्थ्य आपातकाल (पीएचईआईसी) घोषित कइला के देखत केंद्रीय स्वास्थ्य सचिव अपूर्व चंद्रा राज्य आ केंद्र क्षेत्र के एगो सलाह जारी कइले बा। बता दीं कि हालही में देश के राजधानी दिल्ली में एगो संदिग्ध मरीज मिलल बा जवना के बाद केंद्रीय स्वास्थ्य मंत्रालय के अलर्ट कऽ दिहल गइल बा। केंद्रीय स्वास्थ्य मंत्रालय सभ राज्य के सलाह देले बा कि संदिग्ध एमपोक्स मरीज के जांच कऽ के संक्रमण के पुष्टि भइला पs अलग-थलग कऽ दिहल जाव आ संक्रमण के खतरा कम करे खातिर संपर्क ट्रेसिंग कइल जाव।
फालतू के दहशत फइलावे से बचे के जरूरत बा'।
केंद्रीय स्वास्थ्य सचिव अपूर्व चंद्रा सोमार के दिने राज्यन आ केंद्र शासित प्रदेशन के भेजल चिट्ठी में जनता में बेवजह दहशत फइलावे से बचे के कहले। उऽ बतवले कि वर्तमान प्रकोप में भारत में mpox के कवनो नया मामला नइखे मिलल आ संदिग्ध केस के कवनो नमूना में संक्रमण के पुष्टि नइखे भइल। उऽ सतर्क रहे के जरूरत पs जोर देले। उऽ कहले कि स्वास्थ्य आ परिवार कल्याण मंत्रालय लगातार विकसित होखत इस्थिति के बारीकी से निगरानी करतिया। एकरा संगे-संगे केंद्रीय स्वास्थ्य मंत्रालय दिल्ली के संदिग्ध एमपॉक्स मरीज के बारे में जानकारी साझा कइले बा।
उऽ राज्य आ केंद्र शासित प्रदेश से कहले कि उऽ लोग जनस्वास्थ्य तत्परता के समीक्षा करे, खास तौर पs स्वास्थ्य सुविधा स्तर पs, अस्पताल में आइसोलेशन सुविधा के पहचान करस अउरी अइसन सुविधा में जरूरी रसद अवुरी प्रशिक्षित मानव संसाधन के उपलब्धता सुनिश्चित करे। उऽ राज्य अउरी जिला स्तर पs एकीकृत रोग निगरानी कार्यक्रम (आईडीएसपी) के तहत निगरानी इकाई पs ध्यान देवे वाला सभ प्रमुख हितधारक के उन्मुखीकरण के आह्वान कइले।